Take a fresh look at your lifestyle.

好用的止汗 . 散汗劑

0 354

早前於我成報的美容專欄, 寫過”體臭”的問題. 特別再recap 小小出嚟:

最普遍的體臭問題, 會出現在比較大汗和皮脂較豐盛的人身上。 人的汗腺分和小汗腺; 出汗時, 小汗腺主要分泌出的是水份, 用作降溫。 但大汗腺的分泌, 會包含很多成份, 亦比較黏, 容易混合皮脂和細菌, 並會分解出難聞的體臭。 雖則在健康上, 這問題不大, 只是惱人而已。

預防這皮脂性的體臭, 有很多方法:
 早.晚或運動後, 必要冲涼; 並使用止汗劑
 多穿鬆身, 透氣又透汗的衣服
 少吃太濃香料, 辛辣或油膩的食物
 亦可以補充抗氧化劑, 去減輕皮脂氧化的問題
 因大汗腺的出口與毛孔的出口相同, 所以剃掉腋毛能令”出口暢順”, 從而減抵細菌滋生的機會。 而如用上激光脫毛的話, 在療程中會破壞部份大汗腺, 因而可以比剃掉腋毛的效果更明顯些 (不過此舉並不會100%杜絕問題的)
 可用炒過的粗鹽, 入在紗布造的袋 (如煲湯袋)。 冲涼後, 抹乾身, 用來擦拭腋下, 亦有殺菌功效
 筆者則習慣早晚都用有茶樹油成份的toner (都是有殺菌功效), 擦拭腋下再上止汗劑; 效果亦非常好

另外, 止體臭重要的一環, 是要保持衣服清潔。 所以沾上汗味的衣服, 要即日清洗, 並盡快晾乾。 否則很易滋生細菌, 以後, 就算洗過, 件衫都是有臭味。

講番茶樹油成份的toner…….這真係一個誤打誤撞的經驗. 之前生烏咀狗瘡, 所以開了The Body Shop的茶樹toner 用. 我只係抹暗瘡位, 如成面抹, 因它有控油功效, 我的面珠會覺得乾. 好番後, 仲有大大枝…….咁我諗…..都係殺菌嗟….而早上起來, 我唔會再冲涼, 所以就用佢抹腋下, 殺吓啲菌……之後才噴止汗劑……..哇令止汗劑效果延長好多….現在, 我就算晚上冲完涼, 我都會用佢抹吓腋下 (但這round 就唔會用止汗劑)

以下幾款止汗劑, 都係我覺得好用的; 佢哋都有共通點: 不會致癌, 冇香味 (尤其你之後會用香水, 就更加要用冇味的止汗劑):

CRYSTAL Body Deodorant Spray
好話, 我用了這個都差不多10年. 佢成份天然. 當年, 佢只有 “一look 晶石” 型….你每次用, 要濕咗晶石的表面, 才搽上身. 真係買一look, 用成世 ~ 如果你冇跌碎佢 (我就係冼手, 跌爛晒)

所以, 後來佢出了spray就very good. 但同我另外兩個產品相比, 佢係勝在夠天然, 但持久力, 大概係5-6小時左右.

Quick Beauty Medicated Deodorant Cream
這是看阿歷媽推介才買的. 當年要去台灣訂, 現在屈臣都有. 佢冇味, 係膏狀, 只要搽小小就夠. 佢唔油的, 反而搽上皮膚後, 會變了一層粉咁. 佢嘅持久力係超強, 一整日都得 (佢聲稱幾日都得…… 我冇試過, 冇可能幾日唔冲涼囉)

但以3隻止汗劑來說, 佢嘅價為係最貴的.

Biore Deodorant Z
這是近來才開始用, 真係好掂. 佢有分spray 或走珠式 (個人喜歡spray, 因可以噴埋身體, 小點汗臭). 佢有冇香味同桃味 (但就算桃味, 味道都好輕, 你唔多覺的).

佢特別之處, 唔止係lasting, 仲可以加快汗水蒸發, 所以會令你更爽快清新. 持久力都係一日都冇問題. 價錢仲係3款之中最實惠.

Leave A Reply

Your email address will not be published.