Take a fresh look at your lifestyle.

尊貴eye cream 們

0 1,077

年紀越大, 我越肯花錢在skincare 上, 係希望延緩衰老. 唔會太貪心幾廿歲要望落似一個真係廿歲的少女….總之比自己真實年齡看起來少幾歲就夠了. 我buy aging gracefully.

 

眼相對其他位置, 係最易出賣年齡的地方. 有時, 眼部失修, 看起來仲老幾歲. 但用過無數眼部產品, 我覺得人要貼地啲…眼部護理產品的確可以造到:

  1. 減淡黑眼圈
  2. 擊退乾紋
  3. 減輕浮腫
  4. 減淡已浮現的皺紋

 

請留意, 以上有3點係 “減輕, 減淡” 而已…..真的視乎你的問題有多嚴重; 重症者, 不能單靠eye cream 就將問題100%KO…我認為一隻eye cream 能幫助你轉好一點, 亦讓問題沒有惡化下去, 已叫good job. 而脂肪性的眼袋, 凹陷的淚溝之類的問題, 你不要旨意eye products 了; 有勇氣的話, 直接揾整容醫生搞掂佢吧la. 否則就接受現實. 亦不要祈望遮瑕膏可以幫你填平皺紋, 變走大眼袋…這都是不切實際.

 

我早年有黑眼圈問題 ~ 這歸咎於夜瞓和血氣差. 後來改掉壞習慣, 問題就大有改善. 而學化妝時, 經老師提醒, 我自以為”僅餘”的黑眼圈, 其實係我眼袋個影…所以, 認命吧. 不過, 我係浮腫型比較多 (水腫那天, 眼袋都勁啲) +脂肪型 (冇水腫, 佢都响道….再望望我大眼袋的父母…就知自己日後嘅慘況).

 

而乾紋一般係 “新鮮”出, 只係因皮膚缺水形成. 只要你即時護理好, 很快就會消失. 但皺紋就不一樣, 一來年紀大骨膠原流失, 二來, 就係自己表情多, 時時用上那一帶的肌肉, 啲紋會越嚟越深. 所以, 不能妄想但靠eye cream 就能皺紋bye bye, 但改善一點就絕對可以.

 

多年嚟, 我用過唔少尊貴嘅產品, 亦用過經濟的. 總括嚟講, 尊貴的可以深層滋潤, 去浮腫能力高點. 但經濟的, 補濕度都不錯, 去到乾紋的. 所以, 我都係睇自然苛包和眼部狀況去決定用啲乜. 而早上, 我偏向用經濟版; 晚上就用尊貴版.

 

這次就講講幾款, 我覺得幾work 的尊貴版eye cream 同eye serum. 我覺得人老咗, 要eye serum + eye cream 配合, 才可以有更佳效果. 如果你年輕, 真係搽吓經濟版eye cream 已夠照.

 

cdp eye cream + serum

Cle De Peau Intensive Eye Contour Cream

我覺得好用…..深層滋潤但又唔油膩, 絕不會令你出油脂粒. 配合佢嘅按摩棒, 每天按幾吓, 又可以去浮腫 (但真係要按過才可以去浮腫, 就咁搽, 效果唔明顯). 就係咁…我用咗4-5年. 但近來我覺得好似被皮膚 “習慣”咗, 再用都冇乜驚喜….所以用埋這盒會暫停一吓.

 

又話說, 當年, 我都聽人講la mer 的eye cream 好用…我都有買嚟試. 但la mer 這品牌嘅產品, 好似同我唔多夾…用咗佢, 我冇敏感, 但亦冇驚喜 ~ 咁我不如用經濟版產品仲好. 但真係要公道啲聲明 ~ 這產品只係與我唔夾而已….我見到有啲朋友用咗, 真係靚咗 (唔係我都唔會跟風買嚟試)

 

 

Repacell Comfort Antiage Eye Cream

Repacell Comfort Antiage Eye Cream

即係咁…佢本身係貴的$1800, 但我都係吼佢造buy 1get 1 free 嗰時買…我認我cheap….買過buy 1 get 1 free, 如佢以後企硬$1800, 我唔會買. (人就係衰格, cdp 永遠企硬 $2xxx: 因未嘗過甜頭, 所以我又會買喎)

 

我覺得佢overall 嘅效果都好好….去浮腫就麻麻, 但滋潤度高, 去乾紋效果好好. 如果要化妝, 我覺得用佢好過用cdp ~ 因佢比cdp 更清爽一點, 但抗乾紋的能力冇因此弱咗. 亦因佢夠薄貼, 所以之後上眼妝都會如有神助.

 
GIORGIO ARMANI Crema Nera Extrema

當2011年, Armani 推出咗crema nera (有面, 有眼). 我都有買嚟試, 尤其喜歡跟面霜的黑曜石棒嚟造面部按摩. 在blog 都有介紹過. 但眼的crema nera 我就唔覺得有太特別 ~ 不過不失, 所以就冇在blog 講.

 

最近, G.A. 就推出新系的Crema Nera Extrema, 有眼SERUM又有眼霜. 朋友告知 must try 原因, 係佢嘅firming 同收黑眼圈效果真係好出色. 咁黑眼圈托福, 我冇乜了…但firming 真係好啱….因狀態一唔好, 個眼袋腫到近乎唏噓的境況.

 

Eye serum 就第一次用 (當年出crema nera 時, 並沒有eye serum), 感覺好清爽, 轉眼就會被吸收; eye cream 的質地跟以前差不多但硬身一點 ~ 基本上佢係比大路的cream 硬身啲…但搽上眼會變得薄薄一層保護膜.

 

搽完只雖用指尖按幾吓就ok, 唔會太麻煩. 但果然, firming 的效果好amazing! 用了2-3天, 已明顯見到眼袋冇咁浮腫. 非常有驚喜.

 

另外, 佢搽完的感覺, 又係好貼好薄, 似Repacell. 所以都很適合上妝前用. 整天都唔會點出乾紋.

 

不過我試過單用serum 或eye cream. 收緊效果冇咁好 (雖然, 但用, 滋潤度都夠).

 

Chanel Sublimage La Creme Yeux

一講Chanel 的skincare, 我好多朋友都喝倒采 ~ 太rich, 太香, 都係死因. 但我又堅信, 我gym friend 靚太的推介 (當年係佢介紹我買cdp 的)….佢話近來皮膚好咗, 都係因為改用成條Chanel 金裝系列 ~ 主要係firming 同令皮膚滑一滑.

 

佢咁講, 我又仆倒去買. 因隨住年華老去…我比較看重有firming效果的產品. 有小小皺紋我接受, 但唔好又鬆又dum la.

 

聽靚太話, 初試買金line 隻mask 同eye cream 先….佢哋隻serum 都好用, 但好貴, 所以買兩樣產品, 就可以ar 枝serum 試吓.

 

mask 我之前嘅blog都介紹了.隻eye cream 感覺比起 repacell 或G.A. 都會rich 啲, 跟cdp 的感覺差唔多. 所以晚上用就good 了. 早上用, 如之後要上妝的話, 份量要少啲 (咁如果我起身, 對眼仲有啲浮腫, 之後又要化妝, 我會prefer 用G.A.)

 

但就算單拖用 (即冇加SERUM), 求其按幾吓, 又或者唔按…佢嘅 firming 效果係very good.

 

 

後話:

這幾款並不算貴, 但我都覺得好ok. 早前買了一大pack 韓國出的N.M.F eyefill patch ~ 幾好用喎…貼上去一會兒, 去乾紋好得手. 但用用吓 (明明未過有效期), 我覺得佢冇初初買回來時咁潤. 靈光一閃, 就諗起早前在日本買的THREE Balancing Treatment Eye Lotion (老實講, 我買嗰時, 係貪得意, 因未用個成枝係水嘅eye lotion). BA 話, 就咁拍少少eye lotion 在眼位就ok (在日本買時, 我 “估”日籍BA 係咁講…你哋知我啲日文幾掂架LA). 回來, 我覺得就咁拍在眼位, 係有啲補濕感覺, 但冇其他, 都係要搽埋EYE CREAM 先足夠.

不過, 將THREE 配合的N.M.F eyefill patch 就好好feel ~ 比以前就咁用的N.M.F eyefill patch 潤好多….造完眼位啲肌膚細緻很多too. 總算誤打誤撞又揾到個好方法去護眼.

Leave A Reply

Your email address will not be published.