Take a fresh look at your lifestyle.

暗瘡大作戰 ~ (1/4 醫生藥)

0 871

我年紀都唔細, 離青春越嚟越遠, 所以近年都好少出暗瘡, 就算有, 都可能係經前嗰一兩粒….好快就散. 但近兩個月, 下巴位勁出瘡, 仲要係最惡搞的石頭瘡. 巔峰期, 每天都有新成員, 一下子有差不多7-8粒在下巴. 石頭瘡之惡毒, 係佢冇膿頭, 你清佢唔到…佢只會又紅又腫, 嚴重影響 “市容”….就算佢迴光返照佢縮細咗 (但唔係謝咗), 都係有個印, 久久不散….如時運低, 又會在同一個位發番大.

pimple_01

我造LACER FACIAL 時問醫生, 佢話我係皮膚油脂嚴重失衡, 比咗啲藥我搽, 但話如果啲藥冇令我好轉, 我就要回去攞藥食. 好可惜, 啲藥膏冇乜用, 但我又唔想食西藥咁重手. 所以轉咗去睇中醫, 佢就話我身體極虛才會咁….食咗中藥後, 啲瘡就出少咗…由每天有新貨, 到一星期才出1-2粒. 但都唔係路架. 直至有位造醫生的UNCLE, 比了一枝暗瘡藥Erylik我….終於見到曙光. 用藥後10 天, 總算清得7788.

pimple_01a

我不知到這藥要不要醫生署方…但內裡有寫, 孕婦不適用 (所以我估佢都係有一定的SIDE EFFECT). 佢只要晚上用一次就夠, 亦不是多就好, 佢有warn, 如果太多會令皮膚敏感. 搽上去時, 都幾喇的 (就算冇傷口, 都會喇), 有點灼熱的感覺. 之後, 佢會在皮膚上形成一塊透明的薄膜. 用藥後, 皮膚會有點甩皮迹象.

pimple_02

如你要化妝, 嗰帶係唔上粉同會浮粉的. (老老實實, 我貪靚, 但我都怕死; 所以在暗瘡最嚴重的日子, 我冇化妝架; 反正遮瑕只遮到暗瘡印啲色, 遮唔到佢凸出嚟個影. 以下的相, 係待表面平復咗啲, 我才開始化點妝, 用遮瑕產品)

pimple_03

Erylik多數都可以將初出的石頭瘡變番平 (即唔發出嚟)….只係如果粒瘡太大…佢就會好幾天後谷個膿頭出嚟, 你好易就清到.

佢係suggest 在已清潔的皮膚上搽. 我後期覺得情況受控, 就會先搽小小tatcha 的Indigo Soothing Renewal Treatment打底, 去減低敏感同脫皮的反應. http://www.tastyling.com/?p=6267

後話:

  1. 我覺得, 平時生一兩粒暗瘡, 就用普通的上架暗瘡藥都夠照
  2. 但如果你生到好似我咁失控…我都係suggest 你睇吓醫生, 對症下藥. 畢竟, 每人的病因都可能不同, 病向淺中醫.

Leave A Reply

Your email address will not be published.