Take a fresh look at your lifestyle.

養生方 x 2

0 521

我很少在blog 介紹要 “服食”的產品…..因為怕啱我唔啱你, 結果令你中毒死. 但這兩個養生方, 好話我都試咗兩個月, 感覺良好…而我亦問過醫生, 佢話這些東西性質溫和, 加上我的份量亦不多…..常食都冇問題. 不過如果如果你都係唔放心, 尤其身體多病或有孕, 你都係問問你的醫生先.

 

這兩條方, 都係我客人介紹…..因她經常揾我造party makeup, 所以我對她的皮膚狀況十分清楚. 對上一次化妝時, 我覺得她的眼睫毛多咗好多…..梗係問佢用咗邊隻eyelash serum 咁得手….原來佢冇用eyelash serum, 只係食咗一隻養生粥….粥亦不是為生睫毛的, 係調理身體, 令5臟6腑都健康, 令成個人滋潤一點…..但不知為何, 會睫毛長得很茂盛.

 

以下係客人比我的份量與 “心得”:

 

以下早餐緊必須空肚食,不會飽,故可吃麵包之類充飢。

每人最多可食2人的份量。 空腹早餐(2人份)

  • 生薏米粉1茶匙
  • 蓮子雪耳粉1茶匙
  • 粗麥皮4湯匙 (粗麥皮不要買即食的, 可以用快熟or 正常的.)
  • 南杏10粒
  • 杞子20粒
  • 陳皮不用刮囊(份量大概姆指指甲般大小)

5碗水煲至2碗水(大約15分鐘) 如覺得味道太淡,可加鹽或醬油 (不可以加奶或糖, 亦不可以隔天煮好; 要即煮即食才有效果)

 

這個空腹早餐是調理肝腎、滋潤五臓六腑。每個人吃後反應不一,例如我吃了兩星期,眼睫毛多了、去了水腫、胃腩變少了、臉色好了、身體涼了、吃回正常用餐份量(因為我體內是非常熱的,故用餐後肚子又很快會餓,渴求吃東西讓脾胃燃燒)。
以下是我的心得:

 IMG_4568

  • 生薏米粉, 蓮子雪耳粉我在太古城Apita supermarket 買, 啱啱昨天去補貨 (一瓶大概都食到2.5個月)….造緊promotion, $31.5 一瓶. 我見到一啲大百佳或health food stores 都有, 不難找的. 其他材料, 係中藥店都買到.
  • 但我用客人的方法去煮, 時間太長 + 5碗水煲完都係好多水 + 好易滾瀉, 所以全程要睇實; 早上要返工, 趕頭趕命, 我後來用懶人法: 隔晚執好啲料放入食物盒 + 煮好熱水放入暖水瓶. 早上起來, 即用兩碗熱水多dd 連料煮滾 (好快, 不到兩分鐘就滾架la). 熄火焗 (咁你咪去擦牙, 換衫). 跟手食得, 又唔會太熱.
  • 我向來都唔食早餐, 但佢份量唔多, 幾易入口. 食咗個胃又幾舒服. 之後去造運動, 又唔會頂胃. 我同我家肥仔一齊食, 真係3星期左右, 啲睫毛多咗….至於身體又何改善, 我又說不出來…..可能有生薏米粉, 去vv 次數多咗, 好似水腫有些少改善.
  • 會keep 住食, 因為所有料都係溫和, 對身體有益的.

——————————————————————————————————–

 

另一條方, 係對月經好的. 我自少都有經痛問題…真係好痛, 所以幾廿年, 都係要食醫生比的止痛藥; 必利痛係止唔到我的痛楚. 食過好多嘢: 白鳳丸, 月見草, 當歸….都唔係好幫到手.

416f1f147ad173d47ed0c1491cd13ebb

客人介紹: 用黑豆茶 + 甘草, 經前5-7天開始飲, 飲到經期完. 可以減經痛, 並少啲瘀血.

 

我早上就會落一執黑豆 (10幾粒) + 3-5片甘草,

放落保溫杯加熱水焗, 飲完再加熱水…成日飲 (當中不用再添加黑豆或甘草)

 

黑豆茶啲黑豆好似炒過的, 冇乜特別味. 冇話要特別牌子, 我都係求其去間health food store 買. 甘草則甜甜地, 所以杯茶幾好飲. 所以一日冲完又冲, 我可以飲好多杯.

 

試了兩個月….經痛大大減輕….起碼啲痛我頂得住, 可以唔駛食止痛藥. 而啲血的確由以前的瘀紅變鮮紅, 血塊都少咗好多, 好多.

 

 

 

 

Leave A Reply

Your email address will not be published.