Take a fresh look at your lifestyle.

2012 Armani Eyes to Kill 4 color eyeshadow palette, maestro foundation

0 223

我的眼影有很多, 很多, 但最愛又常用的, 只有4款….它們的特質都不同

NARS 色彩濃艷

Lunasol 閃爍亮麗

Guerlain 色調柔和

而Armani 則是啞緻+ frosted 的極品

 

Dior, YSL, MAC, Urban Decay, Bobbi Brown 都會有好多….但都不及以上4位(這只是我的偏好而已).

 

我本身好喜歡啡色眼影, 好樂意去stock up唔同嘅啡色.而我覺得Armani 造嘅啡色, 最啱我…..再加上佢1盒係啞緻 + frosted 都有, 好適合影相用. 佢出嘅色比 guerlain 實啲, 冇nars 咁艷, 冇lunasol 咁閃…..自有佢嘅風格, 所以多年嚟都係4大之一.

 

昨天, 本是去修眉 + 造cheap 精, 攞新出maestro 粉底的tester…..跟相熟BA 傾開, 才知最新的4色眼影已到貨, 但未上架. 好似有6款, 有啡 (兩款啡色), 灰 +黑, 藍, 綠, 粉色.  因SAMPLE 裝未到, 所以未上架, 但可以賣, 所以, 我即選了啡 (NO 2)  + 粉色 (NO 7) ~ 每盒 $480

回來, 自己化了個2盒色MIX 出來的小SMOKEY妝. 但因為我眼蓋係用 NO 7的淺橙色, 所以為提高顯色度, 我用了RMK 的 01 Coral Beige 打底. 跟住用唔同嘅啡色造聚位同blend 開眼線就得

 

 

其實這palette 好user friendly, 佢就有個3 demo, 用同一款眼影, 不同配搭, 去造出3個深淺不一的妝容. 最令我驚訝的係 no 2 的最深的啡色…哇…顯色度極高, 可以食得住上一層的眼影, 只要blend 吓, 就層次感好豐富. 有時MAC的眼影看起來顯色度不錯, 但食唔主之前嗰層眼影, 令層次感覺略為有所不足 (這時, 我會用NARS 去 “食住佢”, 因NARS 顯色度夠, 乜都食到 ~ 但你一定要BLEND 得好, 否則, 係人都會看到你的邊界位)


另外, 一路修眉, 我一路攞 新maestro 粉底玩….玩在手不夠喉, 索性搽埋上面…..學BA  話, 這感覺好特別 ~ 因粉底本身比正常的liquid foundation 稀好多, 好易推…推開好似會慢慢變得好爽的…..BA 話, 如你皮膚乾, 可以令碎粉都唔落. 因這 maestro foundation 係冇水份的, 全是精油造成, 所以極據護膚性能. 但因為佢咁薄, 所以冇乜遮瑕力, 有搽 = 冇搽, 只係用手摸面時, 覺得好滑.

 

我就問 ~ 咁都會有人要? 搽咗 = 冇搽喎….BA話, 你唔明架la ~ 好多女仔搽多1滴粉會死架….所以target 這批要化妝, 又唔想比人見到佢化咗妝嘅人用.

 

但BA 說, 如用佢MIX 正常粉底, 則可以提升遮瑕度. 所以回家, 我的底妝係用NARS 的TINTED MOISTURIZER (遮瑕度一般) MIX 了1滴Maestro. 覺得好推咗, 貼咗, 同埋果然遮瑕度好咗!

 

這我只用了1次…我會再用不同粉底再test 吓, 因為maestro 單搽, 對我嚟講係浪費時間 + 金錢. 但如同正常粉底mix, 則提升了該粉底的功效. 就如mix了serum 咁……但mix serum or aqua gel, 唔多唔少會減低該粉底的遮瑕度,但maestro 不減反升, 仲沒有厚重感覺. 所以諗緊會唔會買貨裝size.

別再錯過 BeautyTalk 美容及化妝品優惠,馬上訂閱「BeautyTalk電子報

Leave A Reply

Your email address will not be published.