Take a fresh look at your lifestyle.

A 貨

0 426

記得我之前作過比喻, 有些名貴SKINCARE OR 化妝品, 會有好近似的替代品; 不能說是100% 一樣….只可以說, 近似. 即平的值70分, 貴的值100分….那你是否願意比多2倍的價錢去拿下這30分的差別, 則是你個人的選擇. 我自己就會咁決定 ~ 看看問題是否要短時間內解決 ~ 要果你好急, 或問題好大鑊, 就忍痛比多啲去買100分. 否則, 就咪同錢作對, 等吓又唔駛死, 就平平地咪70分的用住先.

近來, 發現了3隻 A 貨, 有兩隻, 我覺得大家值得一試; 但有一隻, 我覺得算吧LA

 

講吓得嘅先LA ~

100分尊貴代表: TATCHA Indigo Soothing Renewal Treatment , 70分親民代表: 俄羅納英

 A_02

話說, 早前纏繞我好耐的烏咀狗瘡又嚟揾我 (以前BLOG 都有提及)…..其實都冇法架LA, 這唔係皮膚多油脂或皮膚唔夠乾淨而飈瘡; 問題係身體本身唔好 ~ according to 醫師, 係我身體太虛所至. 這亦冇得避免, 搞完人生大project, 又搞掂埋手頭嘅job, 再要備戰渣馬…真係身心都over load…..

 

這回我醒la, 已即搽暗瘡藥, 但唔對路 (又係2-3日飈一粒, 同埋係冇膿頭的), 即去睇中醫調理…..現在逐漸好番好多. 而啲暗瘡藥係好, 但會令皮膚好乾, 脫皮. 雖然脫皮唔駛死, 但係要如化妝, 就唔上粉. 之前, 用tatcha 打底再搽暗瘡藥, 會減少甩皮的狀況. 後來聽朋友講, 用俄羅納英都得.

 

咁我每晚洗完面就在患處搽暗瘡藥. 臨瞓在患處再搽俄羅納英 (佢寫明, 可以對付粉刺, 即唔會刺激皮膚la! ((因爆瘡時, 我若在患處揸普通face cream, 會令問題更嚴重))). 雖然, 俄羅納英不能治療暗瘡, 但果然令患處一帶的皮膚都冇甩皮, 所以上粉時, 都可以遮得好好.

 

另外, 我手都有濕疹問題. 如搽tatcha, 多數1-2晚左右就冇事….搽俄羅納英就可以即時止痕, 但要幾天先慢慢好. 我同時在大腿都有兩忽濕疹…..因面積大 + 著褲時, 一定hide 走啲cream….所以這些位, 我一定用俄羅納英, 冇咁肉赤嘛.

 

100分尊貴代表: Tom Ford Illuminating Primer, 70分親民代表: Banila Co White Wedding Dream Cream Pure White Moisturizing

A_03

這就係我去韓國時另一個買入的東西…..基本上, 係朋友托我買的….咁我去到shop, 梗係試吓佢係乜東東, yi, 又幾好喎, 咁啱仲造gift set (cc cream compact + cream)….咁我又自己入一set.

 

雖然佢話可以造skincare, 但我都係當佢base 咁用 (始終, 佢搽上面ling ling 哋….總覺得有妝感的東西, 都係咪搽過夜 ~ 這只是我個人的愚見).

 

搽上面都好補水, 再另加不會over 的光澤感 ~ 就如tom ford 的base 咁 (不過tom ford 的質地再細膩啲, 清爽啲, 仲有微微修飾毛孔的功能). 之後, 再上濕粉時, 更覺貼服. 平平哋, 買得過架 (韓國買, 大概HKD200)

 

以下是我覺得唔掂的偽A貨

100分尊貴代表: Bioderma Matricium, 偽A貨: Xeradin TM serum MED

A_01

大家都係女仔, 都係喜歡上網睇吓其他人的分享….啱feel 嘅咪買嚟試. 我何常唔係見到好多賣韓國skincare 的店主都大推Xeradin…話補水到不得了 (嗰朵叫”救命水”, 一聽真係覺得好不得了!), 好似造咗水光針咁. 見無論包裝, 功效都同Matricium好似, 當時, 佢係平過Matricium 的, 只要$450 (Matricium $700….但後來知到join 了neo derm beauty box, 可以有特價買 $530, 如再用積分減埋, 都係 $445….價錢已level 咗, 你話造乜仲買 Xeradin)

 

用上面….雖然Xeradin大枝啲……即時感覺都係水水的….但唔駛過30分鐘….你就知, 兩者根本冇得比….Matricium 的質感幾似清水架, 但補水效果可以last 一整天…..但Xeradin的質感就有小小gel 的感覺, 不過對我嚟講, 搽完好似冇搽過咁;

 

另外呢, 就係搽咗Matricium 之後上妝, 啲妝會好貼. 但搽咗Xeradin, 有啲位會起屑 (又唔係成面都起, 可能有啲位我上多咗, 吸唔切, 所以起屑)

 

但皮膚始終係好個人的, 我覺得冇feel, 你可能覺得好好. 正如我又係信”廣告效應”, 有隻又係標榜 “水光針”effect 的mask Deirdre ~ 都係韓國出品 ~ 這我就覺得好用喎…都encore 咗兩盒…(不過, 有朋友用咗就敏感). 所以, 聽人講時, 自己都要試真啲…..啱你用嘅, 才係好貨.

Leave A Reply

Your email address will not be published.