Take a fresh look at your lifestyle.

德國啤酒節

0 209

因為有好同事帶協,有幸去到既private party。 其實我今年已經係第三次去,今年比起往年好彩,因為天氣涼了,就算坐於室內都不覺得焗促。德國啤酒節當然係食德國食物同啤酒,除了啤酒,還有紅酒,汽水,橙汁。食物方面就有咸豬手,有幾款德國豬肉腸,羊架,燒牛肉,芝士焗薯仔,烤雞,仲有些紫色既酸菜。除了薯仔真係無其他澱粉質既食品。老實說,食肉獸就合晒河車:)我就半個鐘之後停手啦…..

除了食當然有人表演,一班來自慕尼黑七人樂隊The Notenhoblers, 在台上表演地道音樂同舞蹈,其實d舞步隨意,而且會拉d觀眾上台玩,完全是氣氛搭夠。重有一個「長飲長有競飲大賽」, 有一個鬼佬, 不用10秒, 已經飲完一杯啤酒飲完…. 接著,他們搬出一座巨大既喇叭,仲吹奏了一首歌。我不會覺得一個普通人會吹到出聲,可況一首曲……

睇完一輪表演,果d腸仔同咸豬手落左格,當然是甜品時間啦,蘋果派,黑森林蛋糕,德國芝士蛋糕,仲有我最愛嘅雪糕,不過唔係Haggen Dax, 係movingpick. 女仔當然食過不停啦!我食左成三個球,肥死!

beer
本來想同朋友再去但不是自助模式, 入場費包1杯啤酒或其他飲品, 再加紀念啤酒杯及T-Shirt. 食物再要另外收費.
個人認為閒日去是值得的, 星期五, 六及假期前夕就貴了少少. 而且食物種類不多, 品質尚算可以. (其實比起我幾年前第一次去遜色…).

資料: Macro polo Hotels 德國啤酒節
地址: 香港九龍尖沙咀海港城馬哥孛羅香港酒店
日期: 25/10/09 至 14/11/09 假日照常
電話: 21133217

by Queenie

Leave A Reply

Your email address will not be published.