Take a fresh look at your lifestyle.

對不起, 我怪錯了你哋

0 204

向來, 我對美甲嘅事, 一竅不通. 簡單如搽甲油, 都係唔識. 淺色的尚可應付 (出了錯都唔會覺嘛), 但深色的, 一律失敗 ~ 永遠搽得唔勻, 亦唔貼甲邊…再唔係, 出晒界搽到落肉…醜到死. 所以, 平時, 自己只會上點淺色嘅甲油, 深色的, 要待修甲時等美甲師代勞了.

近日忽然愛上bling bling 甲. 我知在sasa 買嗰啲$5-1x蚊樽的都好閃, 但當年試過後, 一來啲閃片好粗, 二來, 總覺得佢哋唔噤 + 令指甲變黃, 所以再沒買了, 反而改為對上架的大牌子有點興趣.

 

Revlon出的Just Add Sparkle 有實色的底色 都係三十幾蚊枝, 又有Bling Bling 的top coat….單搽又得, 加埋搽亦得. 我回家試用, 底色的不錯, 搽兩層就好夠實了…但bling 嗰枝…冇料到嘅!!! 搽極都係得嗰幾粒….我以為係我上實色的甲油上得唔好, 所以令bling 嘅甲油上唔到….咁咪只上bling 的…都係得嗰幾粒…..失望喎!!!

剛巧到修甲的時候, 我就拿佢去問修甲師….哦….完來真係我怪錯人哋….佢係好bling 的, 單搽會bling, 搽上實色甲油上更bling……..係我白痴唔識用

由於新買, 質地都較稀, 而閃粉比較重, 就沉底. 所以有時轉個樽都唔夠. 這時, 就要恨心點, 倒走面嗰浸…..令你更易攞到底嘅閃粉

就係咁, 修甲師兩吓手勢, 就搽給我看…..當時我冇帶相機, 只速用電話影低…..係好bling 的! 時間關係, 美甲師只係求其上了1層, 佢話, 上兩層會靚好多.

由於我帶的Revlon實色我自己搽到, 我當然要美甲師搽隻最深色的, 再加Revlon 的bling bling….bling爆

 

到這裡, 又該向我錯怪的另一件產品say sorry….就係佢: Gel Look Top Coat…..我在日本買完, 就覺佢不外如事: http://hk.myblog.yahoo.com/hifrtata/article?mid=8701   ….但其實佢好好用~

 

當時,跟獅子說起top coat 的問題, 佢介紹我用Seche Vite Dry Fast Top Coat….平好多, 快乾又硬淨….這絕對係….只係佢亦乾得好快 (在樽裡自己乾)…我有次唔理照搽, 結果係結成一條條在甲面 + 好多bubble. 我諗住去美甲店買diluter 溝稀佢…但完來冇囉….溝甲油的diluter 不可用來溝佢. 咁即係用唔到半枝就掉得 (我的美甲師都說, 佢哋day day 用, 都係用到大半枝都要掉)

咁計落, 這Gel Look Top Coat不算貴了, 到現在都好好QUALITY (即冇自己乾掉), 亦令甲油LAST 耐好多 (1星期都好好, 以往 3-4天就有啲甩了). 仲有, 佢冇乜天拿水味, 又易搽得勻…..

一連錯怪了兩件產品….真係有眼無珠!

Leave A Reply

Your email address will not be published.