Take a fresh look at your lifestyle.

CDP Foundation Set

0 577

一個靚嘅底妝, 永遠都好重要: 要貼薄, 要遮到瑕但又自然, 要lasting, 要有光彩… 所以當年學妝, 就係 “如可上粉底” 都教足兩堂.

我個人就偏愛一些遮瑕度相對冇咁高, 偏薄的粉底. 除非你皮膚極差, 否則每人都有一層皮膚的 “底色”, 還會散出天然的光澤感….太厚的粉底會將這些天然的優點都遮晒…所以, 我挑的粉底都係偏薄的.

 

記得早前, 我 “訪問”了一位在gym 認識的太太, 她上的底妝, 可以抵擋一堂gym class 的摧殘. 當大家大汗如雨, 佢個妝都堅廷的 ~ 亦係佢介紹我用 la mer 的眼部遮瑕 ~ 一隻非常good 的產品. 這太太就係用 cdp 的粉底 (佢仲推介了chantccaille 的mask 給我, 我已即時去買埋! 試多幾次, 如好的再share).最衰係, 博士都搶先買咗嚟用, 又話好好 (我怎可以比佢靚過我…我怎可以輸!!!) 與此同時, 亦有客人給我力推cdp 的base…..我見早排sogo thankful week, 啱啱就有 foundation  + base set 賣, 所以一次過買晒嚟試!

在Sogo Thankful week 時, 你係用正價買1枝base + 1枝foundation, 但就有1set gifts. 嗰set gift 唔少嘢架, 都值$1000. 博士說, 只係嗰塊mask 都幾百! (佢話這mask 係萬能的, 由美白, 滋潤, 去皺, 補濕…乜都得). 但mask + 附上的travel size skincare 我都未開嚟用.

 

但佢嗰枝胭脂掃 + 眼影掃, 則係超級好嘢嚟…係貂毛造的…滑得很!!! 此等貨色, 都要幾百1枝!

我買的

l   Base ~ Translucent corrector ($480) ~ 最多功能, 可以調色, 遮毛孔, 檔細紋

l   Foundation ~ Silky cream foundation ($980) ~ 比較薄身, 可提升肌膚的光彩

 

我覺得這cdp 的base 同foundation 都有個特點: 好細枝 ~ 尤其係枝base ~ 所以我唔捨得成面上, 只上眼下 (有細紋) + T-Zone位 (毛孔大) .

 

而foundation, 不用再mix 其他嘢都好薄貼了. 同埋跟 la mer 的eye consealer 一樣 ~ 有好強護膚成份, 用完皮膚滑滑的. 所以我上了CDP foundation 後, 就唔上碎粉, 等佢自然 “風乾”定妝. 咁光澤感更強. 正如上airbrush, 為了貼薄, 我哋都係會 “風乾”, 唔上loose powder 的. (但油面人, 這方法就不適用的哦).

 

我本身的皮膚不易脫妝的, 但年紀大, 所以好易出紋. 我覺得cdp 比其他品質優勝的係, 在唔mix 其他護膚品入去之大前題下 (如aqua gel), 佢都係貼薄, 同埋end of day, 出乾紋的情況都好少.

 

但cdp 咁貴, 你叫我天天用, 我捨不得….我這期的皮膚還好, 都係搽bb cream就返工去. 只係有街去嗰啲日子…就攞佢出嚟 “晒冷” !!!

 

這天, 只是用了 cdp base + foundation + 小小 Armani 的cream blush ~ cdp 帶出的光彩, 實在自然! (這妝 的base, foundation, blush, 都是 “濕”的, 我沒有用碎粉定妝, 只靠自然風乾, 令效果貼近air brush 上的妝)

後話:

好多客人都會問, 用 “高清”噴槍 化的妝, 有乜唔同.

 

我都跟過3位老師學過噴槍, 唔係精, 但總算識小小. 我最記得 Zing 講: 噴槍咪叫噴槍囉…造乜加個 “高清”响前面….難道人手化的底妝, 就可以 “低清”咩? 造化妝師, 連用手上底妝都上得唔靚….就失敗.

 

噴槍當然有佢嘅好處, 唔係我都唔會去學. 相對嚟講, 噴槍係比較lasting, 透薄 + 有光彩的. 如用在creative makeup, 可以有好大的發揮空間.

 

但係, 問心講一般新娘妝, 我哋只會用airbrush 去上底妝 + 胭脂; 其他都係人手上.  除非你係professional, 仲要係好細心嗰種, 否則你唔會分得開, 那個妝係air brush, 那個妝係人手上 (assume 你人手上的底妝係ok 貨色). 如在相片看, 就更難分得出.

記得這位新娘子 keeling 嗎, 佢big day 當天的天氣好熱, 早上6時上妝 (只是用傳統粉底), 到影這張相時, 都差不多4pm…但你會覺得個妝好 “低清”嗎?

 

2012, 我的進修目標之一, 係再去深造噴槍 (噴槍可以造到好多effect, 只係新娘妝用不上這些technique). 但我還是相信, 傳統粉底都造到很好的效果 ~ 只要你買得對 + 懂得用.

Leave A Reply

Your email address will not be published.