Take a fresh look at your lifestyle.

CDP 粉朴

0 173

有時買嘢會有: 無心插柳的經驗

我敗家得嚟, 都係CHEAP 精, 所以對SALES, DISCOUNT, 大割引, 贈品….這些 “字眼” 特別 “欣賞”.

也許, 許多公司都明白我這等小女子貪心的性格, 往往推出新PROMTION時, 你都不會一買就到數, 可以拿到贈品….往往, 你一係要買多1件, 一係要搭多件豬頭骨, 先會到數.

 

博士說Cle De Peau的新serum 好用, 我梗係死跟…..去到Times Square Lane Crawford, BA 說, 如 “到數”, 佢哋會有1 set skincare送 ~ 係成條line 齊晒, 仲有埋我好想試的eye cream ~ 仲係 Lane Crawford ONLY…..即第2家 cdp 買都冇…這一切 = 叫我非買不可la!!!! 但點買, 都係差 $100 先到數.

 

我就厚顏問BA, 你哋有冇嘢係 $100 左右? (明知CDP 又點會有嘢係 $100呢, 但唔問又唔甘心)…..估唔到, 又有喎, 就係粉朴兩個, 價值 $120.

粉朴, 要$60 一個, 又真係貴, 但係BA比我TRY 過後, 冇得傾…抵比…就算唔係為咗 “到數”, 我都會買 ~ 因佢實在太滑, 太好用了. 係我用過嘅朴最好用的.

 

我對我所有化妝工具, 都有要求. 化妝朴, 都係

  •  一定要滑,  不要有塑膠feel
  •  要細密,
  • 要好快將粉底拖薄, 不會起界,
  • 不會 “料”起啲粉.
  • 不會過份吸晒啲濕粉

 

這不是SASA 買幾蚊一個的粉朴能造得到. 以往, 我只會用CINEMA SECRETE 的出品 ~ 仲要係台灣買的, 因佢哋賣的都比香港買都的好. 永和3美人, 大家都話好, 我就覺得不怎樣.

(台灣CS 買的朴. 正確點來說, 這朴不是CS 出的, 是CS 台灣代理 “代理”的另一隻牌子的朴. 所以在跟香港代理賣的不同)

當然, 如要上粉底, 只用手都OK…但要點時間去推薄 + 令佢均勻, 所以, 我好多時, 都睇到朋友上的粉底一達達 ~ 問佢哋, 佢哋都會話: 趕時間, 咪上唔勻囉. 所以, 貪快的我, 向來都會先用手 OR 掃快快的上一遍, 再用朴推勻.

 

這朴比Cinema Secrete 更勝之處, 係佢接觸面夠大, 推嘅時候感覺更SMOOTH. 好快令每個毛孔都填滿粉底, 所以令底妝又貼又滑. 而且, CS的朴已算 “唔吸”濕粉, 將化妝品好完整的 “貼”到你面上. 但CDP 比佢更好 !!!

 

Leave A Reply

Your email address will not be published.