Take a fresh look at your lifestyle.

Coffret D’or 2012 Sping New color

0 167

NUDE 系, 又化得人精精神神的妝, 係可以講係 “長青”的
愛濃妝的人, 可能覺得咁冇乜料到. 但好少人DAY DAY 都濃妝嘛 ~
如DAY DAY 都化妝 ~ 尤其晨早趕出門, 但又想有個 “見得吓人”嘅LOOK ~ 一個又快, 又易化的 “精神淡妝”係你必然之選.

所以日系的妝容 ~ 都係遍向自然LOOK 的, 在香港一直都流行.

2012 SPRING Coffret D’or 亦繼續為大家帶來最時尚的 Natrual Look.


眼影#04 $250 (都係嗰句, 佢refill 嘅盒都好好用, 不用另外買盒的)
胭脂#02 $220
眉筆#BR-42 $90
Lip #BE201 $220

眼影當然有新色, 但我要先講講佢哋嘅胭脂: 要打造一個清麗的淡妝, 你的氣息一定要好…皮膚一定要夠光澤. 這新品係混合了顯色度高的胭脂色 + 令人好氣色的修飾粉末. 只要打圈, 就能將胭脂同修飾粉末融入肌膚, 從而令肌膚散發光彩.

A) 先在深色位打圈, 在面珠上胭脂色
B) 再在淺色位打圈, 上在胭脂的邊界位, 一來可以BLEND 鬆啲色, 唔會變紙扎公仔, 2來可以增加透明感.

還有新出的眉筆, 一共有淺啡, 中啡 同深啡 3色. 我用的是淺啡 BR42. 這眉筆是 “拎”的, 不用刨. 你會發覺佢比傳統的粗咗小小, 筆頭一啲都唔尖的. (傳統眉筆, 好多都係斜角的 OR 幼身啲). BA說, 本季的眉毛興粗小小, 走自然風, 所以這筆的粗度會啱啱好. 而筆邊亦夠 “利”, 所以你畫眉尾時, 用多點筆邊位, 你畫的尾, 就會自然地夠幼的了. 佢出啲色, 好自然, 大力咗, 都唔會變小虎眉. 仲可以耐水同不脫色. 非常好用.

眼影則維持一貫的style, 係好自然又易handle 的顏色, 唔駛blend, 就咁上眼都好靚. 好多人都問過我, 上眼影時, 要上咗深色的先or 淺色的先? 最先上邊個位? Actually, 冇一定的答案, 都係視乎你自己的習慣. 我自己就習慣先上眉骨, 再上眼蓋, 最後畫最深色的位置 (眼綫位+眼尾).

Coffret D’or就有好detail 的示範, 跟我的方法略有不同, 但都係可以達到令眼睛明亮嘅效果. 所以化妝, 不是一版一眼的…你可以盡情experience 任何的化法, 去揾到一個令你自己最方便, 最滿意的效果.

他們的液態唇膏, 一枝就集合了傳統唇膏同LIP GLOSS 的好處, 都係好吸引的! 用晒1SET 嚟化妝…係咪好自然同好氣色呢…
PS 仲係好快手, 不用15MINS 就化好一個妝!

Leave A Reply

Your email address will not be published.