Take a fresh look at your lifestyle.

2013 日本戰利品 (三) ~ Fancl Collagen Powder

0 689

Fancl Collagen Powder一直有keep 住食, 但上年, 冇friend去日本,所以我就開始飲fujifilm的collagen drink:

 

Fujifilm係好, 但係貴 (同fancl 的丸比), 所以當有friend 再去日本, 即請她補貨, 跟手就食到家吓.

 

這回去日本, 有天博士問我知唔知大板邊道有fancl…原來佢想買fancl的collagen 粉, 又係香港fancl 冇的 ~ 這時, 我才知有這隻product. 剛好, 我哋獨自行街時, 比我揾到一家FANCL, 所以就買了一小包試吓先 (大概HKD90有10包), 佢可以溶於任何飲品當中去服用, 佢本身冇乜味的.

Fancl Collagen Powder

試過OK (當然冇咁快見效, 只係CONFIRM 佢唔難食), 我即同博士去入咗好幾個月嘅份量. BA 說, 粉裝的collagen 含量比丸多, 亦更易吸收.

 

 

回來後, 都食咗1個月了….覺得同丸嘅效果差唔多……但比食丸更快見效.同埋有樣好….就係唔駛吞 (因我係吞丸白痴)….

 

佢亦比樽裝的collagen drink 平, 所以我遲啲食埋啲丸, 就會轉食粉了.

 

 

後話

其實我同博士係中學到大學的同學. 在大學裡, 我哋都有一齊修讀日文….好話都有個日語學位….但我這兩件不才….當然畢業後都冇從事同日文有關嘅職業, 所以普通的日語, 一兩句都頂得住…但跟手就你眼望我眼.

 

我哋在日本鬧了兩個好大的笑話 ~

故事 1: 唔係謙…我哋現在所識嘅日文, 真係好少…..但在危急時, 腎上腺素飈升, 就 “忽然”識得講番……事源我哋當時排好耐先買到嘅福袋, 到比錢時,店員話唔比買咁多 ~ 但我哋明明見人哋個個都係咁買….為何我哋唔得….就係咁, 我同博士以 “流利”的日語同店員理論….結果, 當然買到. (但現在回想起, 可能只係我哋以為自己講得好流利….人哋其實都係聽唔明我哋噏乜…結果就 “算la, 費事煩, 由得你買la!”)

 

故事 2: 我地買電器時, 店員好有耐性咁同我哋講解如何使用. 我這不才, 聽到20% 已開始迷茫….但見博士, 眼神堅定, 聽到點晒頭; 之後, 我就問番博士, 究竟店員講乜…..

佢居然答: 我都唔知架, 都聽唔明!

我: 你明明眼神堅定, 好似識聽喎

佢: 我扮架咋! 人哋講得咁有heart, 我都要交吓戲以表尊重架!

 

結果…兩件當年以日文為major 的女子, 回到酒店, 係自己睇說明書 ~ 的圖片, 去估件電器係點用……

 

死未!  講又唔識, 聽又唔懂, 睇又唔明!!!

 

Leave A Reply

Your email address will not be published.