Take a fresh look at your lifestyle.

2013 日本戰利品(5) ~ 小物件

0 205

斷斷續續咁寫我的戰利品, 都寫了快3個月 ,首先我想再讚多次 fancl 的collagen powder:2013 日本戰利品 (三) ~ Fancl Collagen Powder

Fancl Collagen Powder 2013 日本戰利品 (三) ~ Fancl Collagen Powder

我在之前講, 佢同丸裝差唔多, 但家吓, 都食咗咁耐, 我要更正, 佢比丸好好多. 我大意, 經博士 “提點”吓, 果然 “醒起”, 身體的皮膚變得好滑, 效果比丸來得勁. 但如你問我面有冇滑到, 好老實, 我答唔到, 因我成副身家已投資在買面部skincare, 托賴, 面部皮膚幾好, 所以我feel 唔到好明顯的不同; 但近來, 就算冇上foundation, 都多咗人都會問: 你搽咗乜嘢粉, 啲皮膚咁靚嘅? 我估, 有改善啩.

如無意外, 我4月又會去日本了, 決定大手買入1年份的collagen powder!

 

Little Witch Mascara

其實買佢, 又係無心插柳的. 因有晚, 無聊, 行過彩妝店, 見到電視播緊demo, 就覺得wa! 好長喎!即時攞見sample 嚟睇, 有好多fiber 喎, 不錯. 就係咁決定第2天去藥房買 (因cheap 精成日形住藥房買有多少少discount).

Little Witch Mascara

去到藥房, 本來諗住買1枝濃密型的, 但又見到佢纖長型就跟一枝細的mascara 造set 裝, 又好抵喎…..結果, 就3枝買晒 (記得唔貴的, 都係幾十蚊)


Little Witch 係可以用溫水落妝的mascara; 我習慣上亦都喜歡用溫水落的mascara, 因感覺上佢可以易啲落得更乾淨 (只係個人感覺). 亦對我嚟講, 用溫水落的mascara 冇咁易化的. 經過一天, Little witch 係一點都不會化, 而且唔會有fiber 跌落面.

但最直得一sell 嘅, 係佢嘅卷曲力. 我本身的睫毛唔係往下生的, 自身都有小小弧度. 用普通的mascara, 我通常都要夾一夾的. 但用little witch, 就唔駛, 佢自自然然就有不錯的弧度, 又係好long lasting 的. 其實時時夾睫毛會令睫毛變得脆弱, 現在不用夾都有不錯的效果就good fit la!!! (當然, 睫毛硬, 又向下生的人一定要夾; 如你想妝容perfect, 都係要先夾為佳!)

 

 

 

 

 

保濕口罩

 

跟這口罩真的有相逢恨晚的感覺. 因日本太乾, 我去到第一天已呼吸道受到感染, 面又係搽咗好多嘢, 都會有啲乾. 就算放杯水在床頭, 半夜都乾到咳醒要起身飲水. 去藥房買感冒藥時, 順手買口罩 ~ 就比我見到佢

佢係一個普通的口罩, 但底層有個袋, 你可以攝塊佢特制的濕紙巾入去 (唔會阻礙你呼吸的). 一整晚, 你都可以呼吸到濕潤的空氣. 真係舒服晒. 意外收穫就係令面部都得到保濕, 起身後, 再冇掹掹緊嘅感覺.

 

以往, 搭長途機, 我係不理世人目光, 夠膽死去敷個paper mask, make sure 塊面唔會變乾的. 但現在有佢….不用敷了…成程機, 不但可以擋細菌, 吸到濕潤的空氣, 連面都係水潤的.

 

當我再去補貨時, 發覺有別的牌子出的保濕mask, 佢嘅補濕紙巾係分左右. 我覺得這比我現在用, 一塊過的更好 (用晒後才發覺唔記得影相); 因佢可以更fit 到我面型, 透氣度更佳!

別再錯過 BeautyTalk 美容及化妝品優惠,馬上訂閱「BeautyTalk電子報

Leave A Reply

Your email address will not be published.