Take a fresh look at your lifestyle.

礦物粉之初體驗

0 736

我為人好保守, 所以好少會係第一批勇於試新嘢嘅開拓者

我都係睇吓人哋用成點先…跟住先會開始自己試 

礦物化妝品這幾年都大熱, 但我一直都係 “睇” 嘅多 

無他, 因我瀨過嘢 ~

因2年前MAC 剛推出礦物眼影時, 我即時入咗粒; 色係好靚, 但掉粉掉得好勁, 亦唔LASTING. 當時我以為係我嘅問題, 就攞回去問RICKY (ZING the makeup school的老師), 佢劈頭第一句就回我: 你買錯嘢了!  我再托朋友去她的化妝學校問她的老師 (都係星級化妝師), 諗住攞吓second opinion…結果都係一樣. (後來我發覺,當佢係PIGMENT 咁用, 即化好眼妝, 在最後STEP 印點上去, 咁就會幾靚嘅) 

我又見用了礦物粉造底妝嘅朋友, 個底妝又厚又浮, 用到日中, 仲會變色….自此, 我就BAD LIST 咗 礦物化妝品…. 

但近來, 好多朋友話我知佢真係好好用, 叫我比多次機會佢哋 ~  就係咁…我又走進MAC 買了我第一盒礦物粉餅. 又試埋Revlon 的水漾礦物碎粉.

 

(先順帶一提, 個人習慣, 我所有粉餅, 都係當佢係碎粉咁用, 唔會就咁上當底妝, 因覺得咁樣個底妝又厚, 又重 “粉”)

這回兩隻產品都OK 喎….

  • 用耐咗會變色嘅情況改善了.
  • 又變得貼薄, 自然
  • 控油, 遮瑕力以及撫平毛孔嘅能力, 比傳統的粉餅 or 碎粉強

 

我不是油性皮膚, 但現在早上, 我都習慣用bb cream 再上點碎粉去減掉油光, 順帶lock 實啲個底. 如用傳統碎粉 or 粉餅, 要用好多先lock 得住, 但用礦物粉, 少少就得.

我個人就喜歡Revlon 多啲, 因佢始終係碎粉狀, 還帶點閃爍, 所以非常自然,. 又即時令皮膚有光澤. 佢嘅 “輕身”感, 跟傳統碎粉無異. 還得一讚係佢跟埋一把可伸縮的小掃….非常user friendly.

 

但也得對MAC 公平點, 始終佢係粉餅狀, 厚小小係正常的. 在COUNTER 時, 我都有試過它的礦物碎粉, 感覺還是有點重 (跟傳統的碎粉比;  而Revlon的亦比它輕身好多), 反而粉餅就跟傳統的質地差不多. BA 說, 如我只買一樣, 當 “入門”新嘗試, 就買粉餅最實用 (所以我跟佢advice).

再總結點來說, 如你追求光澤輕身的感覺 ~ Revlon

喜歡多點遮瑕度 ~ MAC

Leave A Reply

Your email address will not be published.