Take a fresh look at your lifestyle.

Nu Skin Spa 機

2 3,243

當年 (都起碼2年前)原本想買家用RF 機, 但後來朋友話NU SKIN 這部很好用, 所以就買咗. 話說佢都唔平, 記憶好似花了5XXX, 但包咗好多PRODUCTS ~ 有跟機一起用的面SERUM, BODY CREAM, FACE MIST 同潔手液都有 ~ 但老實講, 我情願佢再平啲, 只要FACE SERUM 就好….其他貨, 對我來說, 真係有啲唔等駛.

 

為甚麼買咗成兩年, 過咗N 回冷河我才寫…..因總括嚟講, 架機都有啲用, 不過對我嚟講, 真係太煩………所以只係開始時用咗1個月都冇…就入了冷宮. 其實期間, 有朋友叫我2手賣比佢哋….但係我覺得, 架機我堅覺得煩….連自己都唔多LIKE, 何苦冼個FRIEND.

 

一架機跟4個頭: 通淋巴, 按面, 按眼, 按頭 (但我冇買頭皮products)

IMG_2141

 

產品就有:

上: 通淋巴

左: 按面 (一盒得8枝, 4枝pre-treatment gel, 4 枝treatment gel)

右: 按眼

IMG_2148

“煩”嘅定義, 每人不同…我就係特別 “少耐性”的….所以最怕去美容院造FACIAL, 就算人哋同我造, 我只負責瞓, 我都覺得煩. 那你可以想像, 要我用部機, 前前後後, 又LOOK, 又洗, 又再LOOK 又再洗, 我係覺得幾麻煩…….工序係咁嘅:

  1. 先用可以通淋巴的gel look 4min.
  2. 清洗. 之後搽pre-treatment gel; look 1min
  3. 清洗. 再搽 treatment gel, 都係look 2min
  4. 清洗. 搽眼cream, 再look 3min; 眼cream 不用洗

 

(雖然, 造機時間官方只要 10分鐘, 但加埋洗面, 來來回回都好煩吓; 另外, 官方話一次treatment 就用pre-treatment gel 同treatment gel 各1; 但我朋友就教我, 因為啲gel 好多吓….所以如只跟官方用10min, 就用半枝夠, 之後用牙簽塞住個口, 第2日再用埋佢; 但如果double “look” 機的時間, 就一次用一枝)

 

你話, 我咁嘅人, 頂唔頂得住呢? 仲要一星期造2-3次…….我真係冇咁多耐性. 的確, 有朋友仔, 係習慣每天晚上, 睇住電視去造, 佢哋唔覺得有問題 ~ 所以這只係本人嘅問題.

 

撇開”煩”, 有冇功效呢…..我覺得有的, 用咗皮膚係白啲, 透亮啲….眼袋位有收緊 (但造完只維持到1天左右, 希望keep 住造, 那持久度會延長啲). 有冇造到傳說中的v 面, 又firm 又皮膚靚, 50歲似30歲…..有待發現 (如果話你知, 1個月可以回春, 睇怕可以攞諾貝爾科學獎, 大家亦唔駛去韓國拉面皮la).

 

另我唔多喜歡的, 就係佢一定要用番nu skin 嘅出品去造…….這, 我覺得唔夠flexible. 喜歡用hitachi 嗰部機 (雖然功能不一樣)品, 都係佢可以用別的產品…只係唔好太油就得…咁夠flexible 嘛.

 

如造到so far 嘅效果 (我已破天荒, 堅持1星期造2-3次, 造了差不多1個月了)….我覺得, 我有啲mask, 都造到類似的效果. 至於firming, 我情願出去造RF…個多月才去1次, 只需30min (啱我這樣冇耐性的人).

 

總括嚟講, 佢有效, 只係太煩, 我唔係靠結婚的”動力”, 睇怕唔會再pick up 到. 如你唔怕煩, 又唔介意貴咗啲 (buy 佢嘅人, 會同你講, 用咗佢, 你連出面嘅facial 都不用造, 計落慳好多)….咪try try la.

 

 

後話:

這篇文係早2-3星期寫完, 但未POST. 這幾星期, 開始忙執屋搬家, 又係旺季 + 本人下星期就出戰春川馬拉松, 好歹都加緊練吓……每晚回家都筋疲力盡….差啲連skincare 都唔搽就瞓….你話我會唔會攞spa 機出嚟用呢?!

 

這段時間, 我只有出殺手柬……cdp la cream……..皮膚真的好好…….

 

我知…我知….la cream 好貴….但已進入倒數兩個月…..死就死la

 

2 Comments
  1. Marky Lee says

    多謝你既分享,我係冇意之中睇到你既po文,因為我本身係搵緊通淋巴既方法,諗住可以自己幫自己做時間會feel d…睇睇下就搵你既文章,其實我係想問問呢部機幾錢同埋邊到有得買。

    1. Anita Lo says

      你可能要找有nu skin 會籍的朋友代買. 我也是托朋友買的 (因她沒有收我差價)

      如你找nu skin sales…就可能要比差價

Leave A Reply

Your email address will not be published.