Take a fresh look at your lifestyle.

Olay Professional Pro-X

1 310

我係刨magazine 精, 早前都在blog 提過, 因常要北上工作, 所以特愛中國版的本雜誌. 內裡有好多第一手的化妝 + skincare 知識….比香港出得更新, 更快. 當中, 有好幾篇提及 Olay Pro-X, 它的專利配方能1次過整理54,000條老化基因, 令皮膚切底回復年輕!!! 又話在美國創下17分鐘外售罄紀錄….哇有冇咁勁先?! 嗰時, 香港仲未有得賣…但近月, 終於在香港上架了.

我都用了4星期了. 又係分享時間:

 托賴, 我係中女, 但還不算皺紋滿面…可是, 歲月始終不饒人, 要是我太大表情時, 眼位, 眉心, 就會出現表情紋…要好耐先散.

 頸紋就自細都有, 幾勁吓 (有人話頸係托住頭, 所以成日都受壓, 因此頸紋就出嚟了 ((我自細就係大頭妹, 所以啲紋真係陪著我走))….當然歲月嘅摧殘, 用錯枕頭 etc, 都會令問題變壞)

我用了1set 的:

機能水 150m l / $299 ~ 即係toner

  • Texture 係正常的toner咁 (如果係super cream 嗰枝會杰啲)
  •  用落都好清爽
  •  但清爽得嚟, 都好補到水. 我試過洗完面, 搽佢, 跟住有事走開咗, 冇即上cream. 如以往, 塊面好快就會有乾燥感, 但這回冇. 冬天日子都咁 “造到嘢”, 可見這枝機能水係有料到.

亮膚透白精華 30ml / $399~ 可在有需要嘅位置搽

  • 據產品說明, 佢係能有效改善色斑以及膚色問題. 令膚色均勻
  • 這點, 說真的, 我 “證實”不了, 因大家可記得我係造激光去斑療程, 所以啲斑已淡咗好多. 但邊啲斑係靠造機退了, 邊啲係靠這精華, 我可 “分不開”
  • 但跟據醫生吩咐, 只要沒有果酸成份的美白產品, 係可以用的. 所以這精華, 我早晚都用. 面上一點不適都沒有
  •  總之, so far, 皮膚的色斑改善了不少 (p.s. 我仲係keep 住好多戶外活動, 同太陽玩遊戲, 但當然, 我亦會用防曬產品)

特效修護眼霜 15m l / $399

  • 這枝眼霜就不得了, 去紋一流. 用咗佢, 眼的細紋減了很多
  • 整對眼周圍的皮膚都緊緻咗
  • 有時早上化咗妝, 到了旁晚, 眼周總會有小量乾紋走出嚟. 但家吓這情況已得到改善
  • 雖然這產品還說能改善浮腫…這點, 問心講, 佢係有幫助 (因佢令到皮膚緊緻咗, 彈力好咗), 但佢唔係最work的. 因本人的問題太嚴重了 ~ 一來, 我會有經前水腫, 所以嗰幾天, 早上起來, 都會眼腫. 二來, 我就是喜歡臨瞓前飲水….這不要得的習慣, 實在改不了. 對我最work 的辦法係喝點herbal tea去了身體的水腫, 眼腫先會消得快.

抗皺緊膚霜 48g / $379

  • 其實pro-x 有3款cream: 抗皺緊膚, 亮膚透白, 彈力水凝. 我選了抗皺緊膚.
  • 佢texture 係好smooth 的, 好快被皮膚吸收. 之後, 化妝都不會起屑.
  • 我又攞去造我的運動後缺水測試, 佢果然係好快令皮膚fill up 水份, 再冇掹掹緊嘅感覺
  • 不要講現在是冬季, 特別乾燥, 加上我這期都造緊激光療程, 所以護膚品一定要夠滋潤. 這cream 都能滿足到我嘅需要.
  • 頸紋都得到改善, 淡咗小小.
  • 記得我說過 super cream (cream 狀那款), 我只可以晚上用, 否則有點笠. 但 Pro-X 則早晚用佢都OK, 只係早上用, 份量少啲就得.

得我母后薰陶, 我自少就開始用各類skincare, 貴的有, 平的也有. 好多人問平嘢有好, 點解要用貴嘢?

我覺得人哋貴, 唔多唔少都係有啲原因. 但如平的product 值 80分, 貴的值90分, 但價錢係3陪…你會點揀?

有人會話, 咁平嘅就good la….但又有啲人會比多3陪去攞埋嗰10分. 怎樣才叫值得, 這是你個人的決定. 我又要好, 又要afford 到, 所以平.貴嘅product, 會按需要, mix 埋嚟用.

當然, 如你覺得平, 貴都係同質量, 咁係揀平嗰隻. 選護膚品, 係好personal, 你要自己去試吓. 啱你的,未必啱我. 別人嘅意見可參考, 但最終係信自己嘅感覺.

亦有啲人忍痛會買啲好貴的, 但又唔捨得用, or 用的份量太少….咁我則認為, 這用到唔湯唔水, 仲浪費.

要靚, 就要keep 哦! 共勉之.

1 Comment
  1. Heidi says

    為甚麼沒有果酸成份的美白產品先可以用?果酸是對皮膚不好的?

Leave A Reply

Your email address will not be published.