Take a fresh look at your lifestyle.

Origins GinZing Eye Cream

0 229

年華老去, 我用的eyecream 主力都係去細紋同帶小小firming. 但我本身都有點眼袋的問題 ~ 遺傳自父母的大眼袋, 屬脂肪型的….冇得救, 只有大到不可收拾時去割咗佢.

 

但我亦屬於好易水腫的體質, 所以時時起身都會眼腫 ~ 這有得救的. 就係這樽origins 的eyecream, 一盒只係 $2xx, 以eyecream 嚟講, 都係好經濟的價錢.

佢有人參同咖啡因嘅成份, 所以好有效去水腫, 加上佢係帶點肉色, 又有點珠光, 遇著你唔夠精神, 眼部肌膚顯得黑黑灰灰時, 的確可以即時幫吓手 (佢唔多唔少有少少遮瑕嘅功效). 況且, 人參同咖啡因亦有利血液巡環, 比啲時間佢哋去work, 亦會令眼部的灰暗退去.

雖然佢係有效, 但唔會係一搽即退腫消灰暗架, 所以我發覺與其早上見到腫先用佢, 不如晚上用. 我平時, 都係早晚, 都搽滋潤型的eyecream 的. 但當見到自己開始水腫, 就會晚上改用origins, 第2朝起來, 眼真係冇咁腫的. 如效果都ok了, 咁早上我會用回滋潤型的eyecream. 如都係有啲腫, 先會再用origins.

 

始終眼睛水腫唔係天天有, 但細紋一唔小心就會出咗嚟並瀨死唔走. 所以我主力都係用control 細紋的eye cream.

Leave A Reply

Your email address will not be published.