Take a fresh look at your lifestyle.

眼線筆

0 420

我覺得每個國家的妝, 都有強項

  • 台灣最得手係用假睫毛跟雙眼皮膠紙去改眼型
  • 中國的眉時時都畫得好公整
  • 日本的底妝好薄好有光彩
  • 韓國的眼線真係冇得頂

 

畫眼線可用:

Gel Eyeliner ~ 我最喜歡用, 因可以用眼影blend開, 感覺自然

Pencil ~ 最易handle, 唔怕佢畫畫吓變乾, 要改錯又容易, 攞棉花棒抹一吓就OK

Liquid eyeliner ~ 畫嘅位最細緻

 

這回要講講韓國眼線筆.

 

以前的眼線筆, 佢個芯多數偏硬, 畫上眼要用點力才出色, 這個動作會令我覺得痛. 遇著係冬天, 個芯變得更硬….有些化妝師會用火機輕輕熱吓個芯,令佢變軟, 去解決問題. 我可十不會, 因我嘅解決方法, 就係 “唔用”. (我手上的MAC, NARS, GUERLAIN 等的眼線筆, 都有這問題; 而makeup forever 的, 則會好佢哋少少. )

 

後來, 進化了, 好多芯都軟好多, 幾易畫 (Maybelline 就係其一)….但可能油份多了吧, 所以好易化開…解決方法就係壓點眼影上去LOCK 實佢. 亦因為佢幾軟, 亦因為我粗魯, 所以我覺得啲芯好易斷開.

 

Clio Gelpersso Waterproof Pencil Gel Liner

這次去台灣進修, 趁空檔當然走去康是美睇吓嘢, 就比我見到佢哋造DISCOUNT, 都係幾廿蚊一枝; 佢哋一係有好多隻色, 我就買咗黑, 啡, 麥綠 (好似仲有深紅, 深紫色同藍色). 唯一美中不足, 係佢帶點閃片 (雖然唔係太多)…但我PERFER 冇閃片更好.

Eyeliner

以為係筆型, 其實不用刨的, 都係拎出嚟用的

 

好用 ~ 個芯軟硬適中, 輕輕一畫就好夠色, 又夠SMOOTH…….仲要好LONG LASTING……..正呀. 每天早上, 我都係用佢同自己畫眼綫. 一筆畫到尾, 暢行無阻!!! 有心情就用吓眼影去BLEND 靚啲……..趕時間, 就咁就算…都好OK. 到晚上回家都冇化.

 

Banila Co Auto Gel Eyeliner

係戰友的好介紹, 她在韓國給我買回來, 都係幾十蚊. 拍得住CLIO 咁易上色…仲有, 佢唔閃的 (正!)’ 亦係拎出嚟的, 不用刨筆…非常方便!!! 當然, 亦都好LASTING!!! 同埋個芯, 造得比clio 更幼, 真係好嘢嚟架!

Eyeliner2

Urban Decay 24/7 Glide On Eye Pencil

只係講開就講埋…雖然佢唔係韓國貨….仲要幾貴 (100蚊左右)…..但佢超夠黑…係我所有pencil eyeliner 中, 最黑的….當然都係易上色同lasting.化smokey eyes 就用佢, 夠晒有層次感.

Eyeliner3

只係, 佢要刨的……一刨, 就冇咗一忽 (有時什至會甩頭…..只怪我粗手粗腳!)….真係肉都赤埋!!!

Eyeliner4

Eyeliner5

別再錯過 BeautyTalk 美容及化妝品優惠,馬上訂閱「BeautyTalk電子報

Leave A Reply

Your email address will not be published.