Take a fresh look at your lifestyle.

SAMPAR Dry CleanSing

0 231

保持皮膚清潔, 係守護皮膚重要的環節, 絕不可以掉以輕心. 我好反對女仔帶住殘妝就去瞓覺…..我無論幾疲倦, 都會堅持落妝妝洗個面, 先去瞓….所以一隻落得快又乾淨的產品, 好重要.

 

基本上, 我有分兩大類落妝用品 ~ 一類係我有化妝時用; 一類, 係我冇化妝時用.

 

有化妝 (常用產品有Lancome eye makeup remover, Shu uemura 落妝油):

我的眼超敏感, 而我搽的mascara 都係好long lasting, 所以, 我會先用eye makeup remover 濕透化妝棉, 再敷在眼上一會; 之後, 只要輕輕一抹, 所有眼妝, 就會清得好乾凈, 又唔會 “lar” 眼. 亦因眼部肌膚超脆弱, 絕不適合你大大力去 “捽” 的.

 

之後, 我會用落妝油成面按一次, 用水好好乳化, 再用清水冲掉. BA 教我說, 如落妝油沒有好好乳化就冲掉, 係會堵塞毛孔的. 雖然落妝油都可以落埋眼妝, 但我唔喜歡用佢在眼部 ~ 一來我對眼超敏感, 可能一些對大部份人都唔LAR 眼的產品, 用在我身上, 都會覺得LAR. 2來, 我不喜歡乳化後, 眼睛會短暫出現濛查查的感覺 ~ 總覺得日積月累下, 咁多CHEMICAL 入眼唔好.

 

而很多品牌的落妝油都說只要冲掉就OK, 不用再過洗面梘之類….但我還是習慣再用洗面梘洗多次 (這只是我個人習慣)

 

冇化妝 (常用產品有 tacha 落妝油, bioderma) :

冇化妝唔代表唔駛 “落妝”….因有冇太陽都好, 我天天都用防曬的. 而絕大部份防曬用品都要用落妝產品卸走. 況且空氣污染, 加上面上都會有油脂分泌, 所以, 我晚上都會會先用落妝水 或輕身啲嘅落妝油去卸掉污垢. 再洗面

 

而市面有很多免冲洗的落妝用品, 係咪真係唔駛用水冲或過吓梘都夠乾淨?

基本上, 如客人來試妝前, 我都會用免冲洗的落妝用品給她抹走殘妝和污垢, 才開始為皮膚打底. 的確冇冲水的.

 

如中場要大轉妝或卸走一些, 我都會用免冲洗的落妝產品. 真的很方便.

 

如上文, 在我冇化妝的日子, 我就多數用免冲洗的落妝產品 (因性質相對溫和點), 但之後, 我一定再用洗面梘…我必定要make sure 皮膚係100%乾淨.

 

我皮膚都偏乾, 對大多數的落妝產品, 用完, 如唔搽點skincare, 會覺得乾的. 但近日試用了SAMPAR Dry CleanSing, 我最驚喜係, 佢乾淨得嚟又唔會令我覺得乾

sampar_dry_025

佢git 出嚟係一堆泡…密度唔算很高, 輕輕的. 如捽開, 只係覺得濕濕哋, 唔會有 “油”的感覺 (因好多落妝泡, 捽開, 其實係有啲似落妝油, 之後要乳化和冲洗). 之後, 用乾的落妝綿花抹乾淨就得. (當然, 晚上自己用完, 我都會濕洗多一次)

 

我就用佢落我認知中, 頗難落的化妝品

  1. rmk 不脫色lip stick
  2. NARS eyeliner pencil
  3. clio waterproof turniliner (平時, 我跑完步成面汗, 佢都可以唔甩)
  4. clio waterproof penliner ~ kill brown
  5. MJ mascara
  6. NARS Arabian night (黑調)

sampar_dry_01

雖然說明話要2分鐘卸掉妝容…其實, 輕輕按…30秒, 乜都甩晒. 最先甩的係 mj mascara, 最後甩的係nars eyeliner pencil.

 

我有以下的用後感:

  • 如果有妝, 與shu uemura 比, shu 落得快啲, 但之後會乾. SAMPAR 雖然要捽耐小小, 但唔會有乾燥感覺, 亦不用再花時間去乳化佢再冲洗. 總括來說, 會快啲
  • 而且佢一啲都唔油, 唔怕乳化唔透徹而block 毛孔
  • 用了很多落眼妝的products, 我so far 都只有對lancome 的eye makeup remover, 唔會有lar 眼的感覺. 如SAMPAR 入眼, 我覺得 lar 的.
  • tatcha 的落妝油, 性質都好溫和, 乳化得好快 (比shu 好), 冲水後亦不會乾. 但如落勁妝和眼妝, 就不夠強. SAMPAR 落妝就好d
  • 我都覺得bioderma 經濟, 唔冲水都得, 而且不油不厚身, 清清爽爽. 但係對我來說, 有啲乾. 落勁妝唔係唔得, 但要抹好多次. SAMPAR 就一TAKE 過落晒, 亦不會令皮膚有負擔

 

 

 

 

Leave A Reply

Your email address will not be published.