Take a fresh look at your lifestyle.

SkinMedica LYTERA box set and Illuminize Peel

0 221

膚色灰暗, 有色斑的確好困擾. 而色斑, 又分好多種, 如雀斑, 荷爾蒙斑, 暗瘡印, 老人斑等. 我除咗老人斑未出之外, 其他的斑.印, 我都有. 多年嚟, 的確為佢地下咗唔少功夫.

 

我都有定期去造光學美容去控制啲斑, 醫生都好老實同我講, 雀斑跟暗瘡印 (都係淺層色素)要去得7788, 唔會太難. 但荷爾蒙斑則有難度….頂多都係去到60% 左右…如over 咗, 反而會有 “反黑”效果 ~ 即越造越大pat 同深色咗. 我曾見證過朋友造得過量, 兩邊面都黑咗一大片, 要用醫生的處方藥, 搽了半年才好轉. 連醫生都話, 如要去這些深層的斑, 要配合果酸peeling 同retinol 的產品, 會比較有效.

 

Retinol 的產品, 我向來都有用…..但真的要看清楚說明, 因很多會吸光的, 所以只適合晚上用. 但果酸peeling, 對我來說, 則可免則免….只是我個人好怕有蟻咬嗰種不適…同之後成塊面甩皮時又好醜.

 skinmeidca_03 

 

這季SkinMedica 推出了1系3隻products 的LYTERA 炫白去斑精華 (product 可以單買, 但買box set 就比較化算 $1900), 令你在家都可以造到有醫學效果的美白療程. 它的retinol 亦造得特別出色, 可以由根源開始, 阻截黑色形成, 並瓦解解底層色素聚合, 並去除表面色斑令膚色亮白. 所以一枝就可以對付雀斑, 荷爾蒙斑, 暗瘡印, 老人斑等色素問題.

 

因之前去打過 “結焦”去斑光學療程, 但面上有幾粒荷爾蒙斑已沒辦法減淡了. 所以把心一橫, 聽PR 話, 先去造這SET product 同系的 Peeling treatment, 之後才開始用佢哋的products, 令效果更快更明顯.

 

這set peeling 要到它們的beauty clinic 造, 因這set 的果酸濃度比較高, 要由專業美容師主理. 這set peeling 有分溫和版 (Illuminize peel)和強勁版 (Vitalize peel).

 

主要分別在溫和版不會有很明顯的甩皮情況, 2-3星期造1次就ok, 適合初用者. 強勁版則會在療程3天後有顯著的甩皮情況, 會維持3天左右. 但效果會明顯和持久一點, 所以1個月1次.

 

我當然係初用者, 所以試咗mild 啲嘅peeling 先. 潔面後, 治療師會搽一隻好濃酒精味的product 在你面上3分鐘….當中沒又特別感覺, 只係味道有點攻鼻, 要開個風扇仔吹走啲味. 這product 的目的係為了清除你面上的油脂, 令之後的product 發揮得更好. 我有問治療師: 乜酒精唔係對皮膚唔好架咩? 治療師: 其實用得啱不會有害, 而且這療程對有皮膚敏感的人都ok.

 

之後就上果酸…都係在面上留3分鐘. 我心諗, 死la, 一定有蟻咬感…..但又冇喎, 只係有小小癢癢又有點熱熱哋嘅感覺 (但不一會就消失); 當中冇 “痛”的. 但都係, 有陣攻鼻的味道, 所以又要開風扇.

 

治療師會因應我們的反應, 而決定之後會不會給你敷個smoothing mask. 因我造完皮膚冇特別氾紅和不適, 所以治療師說我不用敷mask, 那會令效果更好.

 

成個療程很快, 都不過30分鐘. 即時效果是皮膚好有光澤, 亦可以立刻化妝. 但治療師說, 打落3天, 會感覺比較乾, 所以用造多點水份重的skincare. 3天後, 才開始用那3件products 的complex.

 

療程後感覺

  1. 之後的3天, 我的確發覺皮膚有點乾; 如早上化了妝, 晚上放工時, 會看見皮膚有點缺水紋. 但過了3天, 又正常了
  2. 對skincare 的吸收快很多
  3. 我沒有 “肉眼見到”的甩皮現象
  4. 暗瘡印消得比往日快. 但同時有幾粒暗粒谷了出來, 但2天就自動消失. (治療師都有warn 過, 佢peel 會令底層的污垢浮出來的)
  5. 黑頭在沒有針清的情況下, 居然清潔了不少
  6. 整個膚質亮白, 同color tone均勻了. 但只造了1次, 我話荷爾蒙斑消失了, 就呃你的….這方面, 睇怕要造多幾次才有進展

 

如是者, 3天後, 我就開始早晚用那3件products 的complex

當中有

  1. Facial cleaner: 雖然說, 早晚用, 能提升skincare 的吸收, 但我都只是晚上用. 我向來都是奉行早上只用清水洗面的人. 它本身係gel 狀, 唔會有太多泡, 性質幾溫和.
  2. LYTERA skin brightening complex: 早晚都用. 質地比較rich. 但用咗佢, 記得用 SPF30 的sunblock. 佢主功去黑色素
  3. Retinol Complex 0.5: 只係晚上用, 佢係比較強的RETINOL, 早上用會吸光的. 佢則主力去除老化的角質, 還可以減少細紋

skinmeidca_02

 

左: Skin brightening complex (for brightening)

右: Retinol complex 0.5 (for age defence)

最佳功效, 要用上4星期後開始. 我目前用了10天而已. 目前的感覺:

  1. 佢比以往用開的果酸product 來得溫和, 當中沒有任何刺激的感覺. 尤其是skin brightening complex, 的滋潤度, 令我驚喜
  2. 能延續facial 後, 皮膚的亮澤度
  3. 這幾天都沒有搽foundation, 只上了sunblock 就走. 朋友都以為我用了新foundation, 造乜膚色好咗.

skinmeidca_01

 

(造了peel + 用了skin brightening system 10天. 冇上粉底)

但再次聲明, 此系列的retinol成份很強, 所以懷孕, 哺乳期和計劃懷孕者都不適合. 如你要造光學療程, 那就在療程前3天, 和之後的3天都不要使用.

 

特別在官方capture 幾張before and after, 同大家分享

 

療程: 12星期內,每天使用兩次LYTERA Skin brightening system

skinmeidca_04

 

療程: after 2 vitalize peel

 skinmeidca_05

Other info:

Vitalize Peel : 建議療程價: $2,000/ 次, 建議療程次數: 6次

 

Illuminize Peel: 建議療程價: $1,000/ 次, 建議療程次數: 6次

 

Leave A Reply

Your email address will not be published.