Take a fresh look at your lifestyle.

爸爸壽司

0 176

8月20日 星期四 晚上6:30

每個月的20日都係我既出糧日, 好應該出去食下飯開心下. 我男朋友問我想食乜野, 講左幾樣, 但都一般. 最後都係選擇”日”食. 好多女仔都愛食日本餐, 貪其多完化同美味, 有生有熟, 有香口, 有清淡.

Search了一輪之後, 最係選了紅磡的”爸爸壽司”. 見到某食評話記得要book位, 因為餐枱數目唔多. 我BF坐低就即刻叫左罐芬達飲, 我就急不及待睇吓有D乜野食. 其實點野食係最頭痕, 因為要係咁多文字, 圖畫卻缺乏而且無套餐….…

2個人食野食唔到太多, 叫左個上壽司盛 ( 8件不同材料的壽司+ 煎蛋卷+青瓜小卷), 軟殼蟹卷及吉列豬扒. 侍應哥仔幾細心, 話會一樣一樣上, 最尾先上豬扒.

queenie1

 

坐了一會, 發覺地方幾迫, 我對腳伸唔長, 坐到有D俾….. 等左一陣上左個前菜, 就係海帶一小兜. 再等大約10分鐘, 上壽司盛來了, 我第一眼見到就覺得”有D料到”, 壽司是以一隻長石碟盛戴, 有氣勢的排成一行. 不像一些用普通木盤, 把壽司呆呆的排成9宮格般. 食物賣相吸引是成功食肆的重要條件, 不美都可以, 除非你的食物味道有100分滿分吧.

我就食左劍魚腩, 海膽, 鱆紅魚, 玉子. 海膽軟滑帶甜, 其他味道算唔錯, 算幾新鮮, 我俾78分啦.
而個軟殼蟹卷有8件, 都幾足分量, 好食, 值80分.

值得一提就係個侍應哥仔既服務態度. 由於我地慢慢食既關係, (亦因為D食物來得慢….), 所以我們已經覺得飽, 心想一陣仲有碟吉列豬扒添…. 這時侍應哥仔就跟我們說: “我仲未同你落單架, 但我諗你地都夠晒飽啦. “ 喱D服務真是一些細店才可以做到, 真係食到”heart”及一份”人情味”.

最後有甜品送, 係芝麻雪糕, 好重芝麻味, 但略甜, 淺嘗尚可. 埋單$205, 價錢合埋, 服務態度佳, 惜地方淺窄.

爸爸壽司小料理

地址 :紅磡黃埔新村民泰街38號地下
電話 : 2363 1918

by guest editor queenie

Leave A Reply

Your email address will not be published.