Take a fresh look at your lifestyle.

最好的保養

3 436

常常聽到身邊的人說, 外國女仔輪廓靚, 日本韓國女仔皮膚好, 內地靚女多 ….. 香港女仔? 樣子好普通, 有些人衰d仲話香港好多’豬扒’ 唉~ 其實香港女仔樣子本身吾差的, 可能生活在香港這繁忙都市, 個個女仔都變成女強人, 全心全意focus 在工作上, 家庭上…. 返到屋企都累到鬼咁, 寧願痴住張床, 找周公子談下心好過, 那有時間去保養打扮? (懶就懶啦…) 有些香港女仔則會買好多不同護膚品及化妝品, 吾理自己有沒有需要及好壞, 統統都放上面上, 發現吾work, 就放埋一邊 (你估係神仙水咩, 一用就work ….), 慢慢就儲了很多’收藏品’, 可惜的是, 它們是會隨著時間折舊, 而吾會好似古董咁會增值~ (浪費金錢 …)我常常幫models, 新娘, 姊妹們化妝, 發現大部份女仔都有一個共通點, 皮膚暗啞, 偏黃, 大大眼袋+眼圈, 完全係一臉倦容, 化完妝即時精神晒, 樣子同妝前差距較大。

香港空氣差, 生活緊湊, 食無定時, 睡眠不足, 往往會使身體差, 精神不足, 慢慢皮膚暗啞, 偏黃, 大大眼袋+眼圈…等的後遺症就跑到面上, 用護膚品及化妝都只係可以掩飾部份皮膚問題, 但係身體不健康的警號仍斷續, 個人認為最佳保養方法應是要學習養生之道。

我自己雖然係一位化妝師, 但係都較少化妝, 通常做完基本護膚, 搽防晒lotion, 劃番對眉及加點lip gloss 便跑出街, 其實妝後的我同真面目相差不遠, 當然化左妝個樣SHARP D 啦。 我皮膚本身最大問題應該都係敏感, 眼袋眼圈完全同我沒關係~

良好習慣

1. 早睡早起 – 我通常12點左右就上床, 早上7.30起床

2. 一早飲杯清水或加少少LEMON 的清水 – 可清腸胃及補充睡覺時流失的水份, 特別是夏天開冷氣睡覺, 水份流失更厲害

3. 多吃高纖維食物 – 早餐可考慮食麥片或麥飽高纖維食物, 一來對心臟健康, 二來可幫助消化

4. 杞子茶 – 此茶可算是女生的保健茶, 有美容功效, 長期每日一杯, 可調理身體, 使面色紅潤

明代大醫學家李時珍《本草綱目》中也介紹,用枸杞子泡酒,長期飲用可以防老駐顏,長生不老。近代科學研究發現,枸杞子含有大量的胡蘿蔔素、維生素A、B1、B2、C、煙酸、磷、鐵等滋補強壯、養顏潤膚的營養物質。作為美容食療簡方,枸杞可泡酒,也可與桂圓(即龍眼)肉及冰糖、蜂蜜等一起製成杞圓膏,或與其他食物一起配製威藥膳,如枸杞子淮山燉豬腦、杞子紅棗煲雞蛋、杞子燉雞、杞子燉羊腦等。

5. 蜜糖水 – 每晚一杯, 有美容功效, 冬天飲用特別滋潤

中醫書說, 蜂蜜被譽為”大自然中最完美的營養食品”,具有延年益壽的功能。由於蜂蜜營養全面而豐富,常食可使皮膚白嫩光滑,防止皮膚乾裂。常食蜂蜜還可以提高血液中血紅蛋白的含量,從而使面容紅潤有光澤。現在,蜂蜜的原料–花粉的美容作用也引起世界各地的廣泛重視,以蜂蜜水代替飲料將會給你的肌膚帶來無窮的魅力。

6. 每日8杯水 – 水對身體好重要, 特別女生, 我每天早上會飲2杯, 中午1杯, 下午2杯, 放工後2杯, 睡前1杯, 共8杯

7. 做運動 – 適量運動可以強健體魄, 病都少D

8. 多吃蔬果, 少吃過量油, 鹽及甜的食物

9. 心情開朗可使人健康及青春

10. 定期full mask – 我建議每星期1-2次深層潔膚及3-4次水份mask, 若真的太lazy, 可試下sleeping pack, sofina 的sleeping pack 我覺得吾錯的, 用後第2朝塊面好滑

11. 搽防晒 – 用有防晒成份的lotion, 因為紫外線無處不在, 就算室內的燈都有紫外線的, 會傷害皮膚, 我建議sofina UV cut, 爽且吾立, 又吾會乾.

12. 做足潔面功夫 – 洗去日常面上的灰塵污垢

這世界沒有醜女人, 只有懶女人, 只要養成良好生活習慣, 由內到外調理, 不用特別用太多時間及金錢, 自然會散發健康美麗呢~

3 Comments
  1. Emma Wong says

    yaya, when I have got enough sleep and water a day, my skin seems to be better.

    thanks for your advice, esp 這世界沒有醜女人, 只有懶女人

  2. tempo says

    呢d咁好既野實要forward比d friend

  3. Fanny Or says

    好有用!!!thx!!!

Leave A Reply

Your email address will not be published.