Take a fresh look at your lifestyle.

Tom Ford makeup products

0 260

原諒我懶惰…..這幾個月試用文又好, 妝demo又好, 真係寫得好少….皆因老人家我, 臨老先學人去跑步…仲要唔知死, 月中就要去外地跑; 其實都在香港跑過幾次渣打, 從來都本住回到終點就係嬴嘅心態, 向來造開龍尾小姐, 一點壓力都冇. 但這趟要往外地出賽….不知何來的好勝心, 希望跑好啲, 攞到cert………就係咁….開始喪操….唔係返工就去操練, 人都處於半死狀態…..那有心情寫blog. 希望賽事後, 5月我會從上我正義敗家精的軌道.

亦因為跑跑跑, 化乜嘢妝呢…..但唔代表我冇買嘢…..這段日子, 我買了幾樣 Tom Ford, 真係, 幾懶, 我都要歌頌吓佢.

TF_01  

 

From left to right

1) 光暗影

2) makeup base

3) lip stick

4) lip gloss

其實, 我都係睇其他blog 友, 個個都話TF 的HIGHLIGHT + SHADING COMPACT 好好用, 好靚…..我只係純屬好奇, 就去8吓 ~ 當時, 我都好懷疑, 佢哋有幾好囉……一去到, BA 已同我講, 全香港斷貨…..下一批未知幾時到. 嗱 ~ 人就係咁, 要搶先得矜貴! 聽到 “冇貨”, 已即時想要. 所以即坐埋去要TRY 吓.

 

BA 先同我上了一個MAKEUP BASE…..我即時愛上. 這MAKEUP BASE, 其實冇乜SPF, 但補濕度非常好, 令底妝更服貼. 仲有, 佢有一隻好淡的光彩 (不是珍珠光, 似係用完好補水的skincare 後, 皮膚自身好飽滿的光彩). 而這度光彩, 係好lasting. 所以, 2話不說, 買! 但BA 說, 這makeup base 沒有控油function (啱我, 因我皮膚係乾底). 所以如你係油人, 可能你要用別的.

TF_02

 

Left: makeup base only. 冇上foundation, 即接搽胭脂. 效果非常透亮. (如你是油性皮膚, 不suggest 這樣造)

Right: makeup base + foundation. 透亮感會減少, 但都是薄透的.

當然一不造, 2不休, 再試埋佢哋嘅粉底. 真的很薄透. 尤其上了base 先上佢, 係好凸顯到好皮膚的texture. 但我實在有太多foundation, 就唔買la. 但我個人認為, 如你天生皮膚好, TF 的foundation, 絕對能令你錦上添花. 但如你的皮膚欠佳 ~如有好明顯的色斑, 或粗大毛孔, 那, 你還是選別的牌子.

 

好了, 入正提, 到highlight and shading compact ~ 它們都是cream 狀的. 但用上面後, 我即時理解為什麼大家都讚 ~ 那要由我對highlight and shading 的認知講起.

 

highlight and shading 係每位化妝師都會為客人造的. 但我常常說, 化pre-wedding 時, highlight and shading 都可以造得進取啲 (因不用見guests), 出嚟嘅效果會明顯啲. 但big day 就唔得, 因當天你要face to face 見guests, 你不可以比人見到太恨的落色, 所以相對地效果會mild 好多. 但無論如何, 一光一暗的接合位, 往往好考人….你永不可以比人見到有條界. 所以要fading 要造得好好.

 

另外…就算光暗影的產品, 都有分 “高手” 同”低手” (純屬我個人的喜好). 要凸出, 即光影…..你可以用白, 珍珠光, 帶點銀底的產品. 當中, 我覺得白係最假, 最死實. 帶銀色的可能都會不自然. 帶珍珠光的效果會比較柔和. 但最好就係造到 “冇乜色” 但又會另想凸出的凸起來. 而TF 的光影就造到了……佢上面係冇乜色, 但就會令你輪廓凸出來. 但因為TF 的光影, 係透過 “光亮”的感覺去造效果, 如你本身有毛孔粗大的問題, 就不要用佢LA, 因會凸顯你的問題.

 

至於暗影, 都會係啡色…..那就要考你BLENDING 的功夫和落筆的準確度. 如出來的效果有條 11 的鼻影和腮位有個鞋印之類, 就知你瀨嘢了. 但TF 的暗影, 色來得很SOFT….當然, 都係要BLEND 吓, 但就算係好易BLEND, 同埋都係嗰句 ~ 自然.

 

反而, 佢哋嘅highlight and shading brush (一枝掃過) 就燒唔到我. BA 教, 只要一面造光, 一面造暗就得. 但我為了aim for perfect, 光暗影向來都用不同的掃, 免得啲色意外地mix 埋, 令到個妝變得唔乾淨. 但話說回來, 他們的掃又的確很滑. 朋友說, TF 的掃跟白鳳堂的掃是同一生產商.

 

另外, 仲買了一枝LIP GLOSS 同LIP STICK 試吓. 佢地都造得好滑, 啲色好夠密 (即遮到你本身的唇色). 當然夠潤亦冇香精味…我的確大愛.

 TF_03

 

Left: lip stick only

Right: lip stick and lip gloss

 

 TF_04

 

Leave A Reply

Your email address will not be published.