Take a fresh look at your lifestyle.

Tony Moly 蛇毒系列

0 812

刨美容magazine 係我興趣. 而最愛都係日本的雜誌, 因分析得好細緻清楚, 而且比較中立. 我冇可能識晒 or try 晒所有新產品….所以, 都係先睇吓佢哋有乜介紹, 自己再著手買嚟試.

其實上年開始, 佢哋都有寫韓國的美容產品, 當中的有蝸牛, 毒蜂 跟毒蛇嘅產品, 都好吸引. 蝸牛的已試過, 真係好得, 對damaged skin 有好好的修復作用, 很早已在blog 寫過. 毒蜂, 只試過mask, 但未有太大衝擊感. 但毒蛇….. 佢聲稱係不用打針的botox, 即係可以抗皺以及改善輪廓. 又話碧咸嫂等明星都愛用…一切一切都聽到我心郁郁.

 

都係近這幾個月才開始接觸到……我就覺得好得. 我先開始接觸蛇毒產品,係由蛇毒mask 開始. 因mask 比skincare 更快見效, 基本用上1次, 你都會feel到佢有冇料到. 但routine 的skincare, 你可能要用上幾天先睇到效果. (所以對於新產品, 我好多時會試咗mask 先, 如ok, 再買其他)

我分別買咗missha 同tony moly. 兩者價錢差唔多…missha 差唔多$50/pc,而tony moly 就貴大概$10 . 兩者雖然係 “paper mask”, 一張咁, 但mask 唔係紙造的, 係gel 造的. 敷嗰時間, 隨著你皮膚的吸收, 啲gel 會變薄的, 但又不會成塊乾晒.

我覺得用咗後, 皮膚的淺層紋係有改善, 毛孔都細緻咗. 成塊面看起來都有firm咗小小 ~ 可能光澤感提升了吧. 但我的肥面係因為脂肪厚, 而蛇毒沒有消脂功效的, 所以沒可能變 V 殺la.

 

但我個人就喜歡Tony Moly 多啲, 因佢多啲汁, 又唔會令mask 滴到一身係……所以感覺上, 佢比missha 多了補水嘅功能. 效果都比missha last 耐啲.

 

見Tony Moly 的蛇毒mask 不錯, 就試埋佢嘅sleeping mask + serum.

 

先講Intesnse Care Synake Sleeping Pack (sleeping mask), 以cream mask 嚟講,佢係比較爽身的, 有啲似pore filler 嗰啲質地. 佢好快就會吸晒, 第2朝起身,就一如毒蛇mask 的特點, 皮膚會緊緻點 + 有光彩, 好精神咁.

 

 

記得美容達人Queenie 有教, 可以敷mask 前, 先用sleeping mask 打底去提升mask 的功效.

 

另外, 我是每天都有用sleeping mask 的 ~ 晚上, 我係上好所有skincare, 就會上一層薄薄的sleeping mask; 它就如保鮮紙咁, 包住所有skincare, 令晚上睡覺時, 吸收得更好.

 

當然, 佢都可以當cream mask 咁用

 

所以如果你覺得paper mask有點貴, 可以先從sleeping mask 入手 ($288 100m l), 因佢係multi function.

 

有看我的blog 嘅人, 都知我係serum 怪, 如毒蛇這element 幾得, 我又怎會放過佢嘅serum. Tony Moly Synake Wrinkle Filler Perfecter $550 有兩枝各12ml的serum. 一枝銀色裝係for 深紋 (白色cream 狀), 另一枝金色裝for 淺紋 (透明gel 狀)

深紋serum 我搽頸, 淺紋的搽眼位同額頭. 我覺得這serum 係比較rich, 所以晚上用就好ok, 早上我都係喜歡爽身嘅嘢. 但如到咗冬天, 就應啱啱好. .

 

我自幼瞓慣高枕頭, 所以十幾歲就有頸紋, 好深吓. 我向來都不會奢望頸紋消失, 但只要唔壞落去, 條頸嘅皮膚滑一滑就得. 而用了一輪蛇毒serum, 發覺頸部皮膚有細緻咗, 滑咗.

 

但最驚喜反而係淺紋serum, 我當佢eye serum 用…..我向來用eye cream 前都會用eye serum. 而用開的係armani 黑曜石嘅系列, 都幾貴. 但我覺得tony moly的, 都有番佢咁上吓好…….都吸得幾好, 又唔會出油脂粒…..眼袋浮腫嘅問題都有改善. 所以幾正.

 

因佢價錢都係我affordable 能力內, 所以都可以豪用小小. 例如有時敷mask前, 薄薄的搽小小serum, 令mask 效果更好. (當然用sleeping mask 打底都得,只係用serum 就好似滲透力更快)

 

 

後話,

先講吓毒蛇同蝸牛mask 的分別 (我係以同一牌子的出品作對比)…..

 

我覺得蝸牛比較偏向修護性 ~ 即你曬過後出現的紅腫, 缺水, or 清好暗瘡後的紅印, 用蝸牛mask 最好.

 

毒蛇mask, 佢感覺上會潤啲, rich 啲, 相對蝸牛mask 嚟講, 佢冇咁補水, 但佢又會比蝸牛mask 滋潤啲. 同埋去紋效果會理想好多.

別再錯過 BeautyTalk 美容及化妝品優惠,馬上訂閱「BeautyTalk電子報

Leave A Reply

Your email address will not be published.