Take a fresh look at your lifestyle.

Tony Moly’s Luminous Goddess Aura

0 233

去台灣嗰時, 在西門町行街, 見到Tony Moly, 朋友說這是韓國有名的品牌,但價格相當大眾化…..原來香港都有, 只係分店不多….最方便我的在尖沙咀, 好快又會開多間在APM, 都就腳的. 因佢有好多款我想試嘅mask ~ 如毒蛇mask, 蝸牛mask…我看好多magazine 都有介紹, 毒蛇mask, 真係未試過,遲啲用完再share…好的話, 要再買就不用去台灣入貨了.

如講到BB CREAM, 我向來都覺韓國出的最好 (功能上), 同最抵用…始終佢哋係BB CREAM 嘅老大哥. 而Tony Moly 的Luminous Goddess Aura 系列的3寶 (bb cream, mist, 光感霜), 雖然同佢地係 “新相識”, 但一用, 已有人問:你皮膚咁好嘅, 好有光澤…你用咗乜呀? Hahaha….又用啱product 了!

 

我雖然用盡我可以afford 到嘅好品質skincare, 但始終年紀有番咁上下, 所以好易會出現缺水問題 ~ 夏天出好多汗, 又會dry up, 冬天天氣乾燥…又係會dry up = 一年3季 (春天會好啲), 我都係dry 人. 由其上妝後 + 冷氣, 仲dry得快. 所以, 我平時都會用bb cream, 貪佢快手嘛~  有spf, 有點遮瑕, 又有點護膚成份. 但有些品牌, 只係夠油但唔夠水, 所以日中會浮起同氾油光.

Tony Moly 的3寶係一齊用的

1.   妝前先spray 個mist, 輕拍樣水份吸收 (這時, 已覺得好水潤)

2.   跟住以2:1 (bb cream : 光感霜) mix 好, 搽上面

3.   再spray 個mist 多一次, 又係輕輕拍幾吓

 

出嚟嘅效果真係好水潤的. Tony Moly 的bb cream 幾好, 不是灰水色的, 係象牙白, 啱晒我偏白的皮膚. 但比朋友試, 佢係偏黑的, 但只要薄薄的上, 都唔會覺得太有色差. 如真係有色差, 你可以在上面印小小啱你色嘅粉底去改善.

但BB cream 上得太厚, 一來係錯誤的, 2來會過厚同笠的. 只係薄薄的上就good. 所以記住在手心spread 開, 再好似搽jam 咁, 用中指的頭兩節, 逐啲逐啲印上面, 再推勻. 如心急 or 你又係油性肌膚,可以上點蜜粉去定妝.

早上化 (有上loose powder + 胭脂, 因我要上胭脂, 要之前就要上loose powder 先, 否則啲色會上得唔均勻), 到晚上回家…..妝容都係有光澤同非常貼, 中段有出outdoor, 亦冇補過妝

 

我看電視, 啲韓國明星係用bb cream 造base, 再上粉底的. 我覺得這樣造, 一來可以減少色差問題, 2 來, 遮瑕度真的好好!

 

 

 

就算你唔用bb cream, 你可以直接用光感霜去調粉底, 加強粉底的保濕力,令妝容更貼.

 

同埋枝mist, 我覺得佢又平又好 (如你問我, 3寶中只選1款試吓先, 我會推薦你試個mist)…….佢非常保濕, 如你上妝後, 碎粉落得重手咗, 變咗一個粉人, 你可以噴點mist 上去, 即時problem solved. Or 日中, 覺得皮膚乾, 都可以噴吓, 補補佢.

免費訂閱 BeautyTalk 美容及化妝品優惠

Leave A Reply

Your email address will not be published.