Take a fresh look at your lifestyle.

TATA 給新娘子的叮嚀

0 167

第一 篇~ 尋找化妝師

現在越來越多新娘在婚禮前一年 (或更久) 就開始籌備。 但新娘子…一字記之若 ~ “靚” !!! 衫靚…妝靚…頭都要SET得靚。
怎樣去找合適的化妝師, 怎樣去造STYLING, 我可以同大家分享我的意見。

最緊要先定好日子CONFIRM 了酒席才開始揾MUA. 擺酒的地方好有限,但MUA 就有好多好多 ~ 我夠膽講, 化到同一個style, 同一個價的mua 會有好多個, 只係你要花點時間去揾. 況且如你冇確實日子, 人家又怎可以比期你.

有啲人覺得, 太遲揾, 可能心儀的化妝師可能己沒有檔期。 2012年已想約2015 的檔期…..我就覺得太誇了. 最多一年至一年半前都好夠. 因唔係位位化妝師會比你second trail, 亦由於你book 得太早, 你自己都會有好大機會改變主意.

 

就算有充足budget亦不用試太多化妝師。 精選地試3位, 再挑最好的. 很多化妝師會offer在試妝當日落訂, 可免試妝費。 除非你真的喜歡該化妝師, 否則就唔好為慳少少即時落訂, 免得日後後悔。 可能你試咗3位, 發覺都係第一位最好……ok 架….那就算冇得redeem 咪book 番佢la……除笨有精, 這make sure 你揾啱人就好.

 

有時間亦盡量詢問已婚的朋友, 看看她們有什麼好化妝師介紹…他們是真正試過該化妝師的人…他們的寶貴意見, 絕對不能輕視。 不得不提,每位化妝師都有獨特的style…試妝前應先了解, 自己是否喜歡他的style。 不妨問他拿profile看看, 或借閱用過佢的朋友的結婚相參考…多做資料搜集才去試妝, 免得浪費時間和金錢。

 

不妨多看婚紗或時裝雜誌, 了解自己喜歡的造型。 方便跟化妝師溝通。可知道很多化妝師不是做不到客人的要求…而是不理解客人所需。 簡單到連客人一句: 我要化藍色眼影…化眼妝有好多種化法不用說…可知道藍色亦分好多種…就算同色, 都會再分帶閃。唔閃…用口真的說不清…不如看圖識字。 有些妝或頭, model 是carry 得很好看…但現實中, 大家可能carry得冇咁好…但只要化妝師明白你的要求, 再給予專業意見加以改良 …一定會造出你滿意的造型。

P4127232a

視乎你要結婚當日要造幾多果image, 每位化妝師的offer 都唔同…有無限轉妝和頭的。亦有些會指定多少個。 而試妝方面, 可試幾多款, 每位化妝師都可能不同。 但一般都會offer試兩妝兩頭 e.g. 日妝 (婚紗look) 加 晚妝。

對很多平時不化妝的女孩, 化了bridal, 會看不慣自己的新image。 那是很正常。 但靚唔靚…同看得慣唔慣係兩回事哦。 真係搞唔清, 就問問朋友的意見吧。

 

尤其平時間沒有化開妝的新娘子, 對化了bridal 的 “衝擊”更大, 這絕對會和她 “平時”看慣了的自己不一樣。 可否接受…就要問自己了。 始終,美是沒有準則, 就算化妝師覺得化到你好靚, 但你唔同意…都是沒有用的。

去試妝時, 亦不用帶一大班姐妹去…請1-2位, 你信得過有taste (但她的taste要同你的相同哦) 的去就好。 人多, 就會七咀八舌…太多不同意見, 會令你跟化妝師一頭煙。

 

如你皮膚敏感, 或對某種物質敏感, 請通知化妝師一聲。 你亦可帶同你用開的Makeup Base。落妝。護理產品給化妝師用。 真的在試妝當天敏感, 請通知化妝師改期。

 

 

別再錯過 BeautyTalk 美容及化妝品優惠,馬上訂閱「BeautyTalk電子報

Leave A Reply

Your email address will not be published.