Take a fresh look at your lifestyle.

「特步」(Xtep)- 跑步確實要懂方法

0 166

xtep

「特步」這個品牌你認識嗎?也許你有聽過,但你知道它嗎?「特步」是今年 渣打香港馬拉松 2013 的 大會指定運動服裝贊助商,也就是說大家在渣打香港馬拉松上是會見到他們的標誌與衣服。事實上,特步過去一直都有贊助不同的體育項目,例如中國馬拉松、西甲球隊維拉利爾及英冠的伯明翰等等。

為何突然提起「特步」?因為石先生曾經是一名會考考「體育」的運動健將(我知無人信,個個當我係宅男),所以對這類與運動有關的東西特別留意,而特步的 Fans Page 很有意思。他們很實際的介紹跑步的一些技巧,例如以下呢段真係好重要。

 好多人都會以為跑步唔需要學,係人都識。其實事實唔係咁,特別係長跑,跑姿唔正確唔單止會影響速度,長期落去仲會對身體做成傷害。

長跑訓練包含提升心肺功能,柔韌度,肌力同肌耐力鍛練,所以跑步個陣要注意全身嘅姿勢。身體盡量保持挺直,眼望前方,雙手自然彎曲同擺動,雙拳輕握,留意提腿同後蹬既幅度,步履方面要盡量放輕。腳踭要先落地,膝頭微曲,步幅細, 但係步距要大,一連串既腿部動作依次 : 提、踏、鈎。

至於去到斜坡, 好多人會用行既方法,以為可以留力,但反而係呢個部份浪費最多時間,其實只需要用提腿大步既方法黎跑,跨步夠大就可以成個腳掌觸地,而落斜坡個刻,可以好似輕彈咁跑,步距遠,記住千其唔好腳尖先觸地,咁樣會好易受傷架。

xtep2

以前學校跑山成日見到有人亂咁跑,死力踩落地到,其實咁樣真係好傷膝頭哥,要放輕來跑,腳踭掂地、步幅大先會跑得快同跑得遠。更重要係唔可以貪快,做運動呢家野根本係欲速則不達,一定要苦心經營。如果跑姿唔好,不論你跑幾多,跑幾快,一樣無法做到身體健康,只會事半功倍或加重病情。

講真,身體好、運動夠就算不時食垃圾食物都唔係大問題,最緊要係慢慢來,Keep 住做運動,唔好一係唔做,一做就做到盡,要持之以恒,一步一步加大強度先得。好似跑步呢啲帶氧運動,一般都要 45 分鐘以上先叫正式開始,要練到明顯有感覺好轉,也要連續兩星期以上,所以慢慢來,先從每日慢跑開始,再加強至要求跑耐一點,再加強至跑快一點。

有人問:要健康,應該長跑還是短跑。其實我們這些成年人日常運動不足,不像小時候那麼多運動,休息那麼充足,實在不太適宜胡亂作短跑,短跑需要爆炸力,跑起上來強度高,而且需要身體在短時間內提供大量資源,沒有好好練習只會更傷身,所以還是長跑較好。

長跑不要亂定指標,能跑則跑,不要強求速度快、路程遠,只要保持均速,跑得順,慢慢練習心肺功能,即係將條「氣」又唔順跑到順,咁就為之成功,屆時先慢慢定要跑多遠,要跑多快的目標吧!當然有番咁上下有心學時,要搵教練幫手訓練。

Leave A Reply

Your email address will not be published.